Foto; dw

Qırküyektiñ 10-ı küni Reseydiñ Peterbor qalasında M'yanma mwsılmandarın qoldap şeruge şıqqan adamdardı policiya küşpen tarattı, dep habarlaydı Nemis tolqını aqparat közi.

Jergilikti BAQ ökilderiniñ mälimetinşe, ereuilşiler Peterbor qalasınıñ ortalığındağı Saray alañına jinalğan. Policiya qızmetkerleri zañsız şeruge qatısuşılardı taratu barısında jüzden astam adamdı wstap, olardıñ üstinen äkimşilik hattama toltırğan.

Bwğan deyin Groznıy, Mäskeu, Mahaçkala qalalarında ötken şerulerden keyin RF wltaralıq qarım-qatınas komiteti Reseydiñ basım köpşiligi islam dinin wstanatın azamattar twratın aymaqtağı dini wyımdardıñ basşılarımen kezdesuler ötkizgen.

Esteriñizge salayıq, M'yanmadağı mwsılmandardıñ buddisterden qısım körui Reseyde türli tolqularğa alıp kelgen bolatın. Bir Groznıydıñ özinde ortalıq alañğa qırküyektiñ 4-i küni millionnan astam adam jinalğan. Al RF astanası Mäskeude mıñdağan adam el biligine M'yanmağa baylanıstı qandayda bir şara qoldanudı talap etip, ereuilge şıqqan.

Qırküyektiñ törtinen beri şerulerdiñ tolastamauına baylanıstı Şeşenstan prezidenti Ramzan Kadırov öziniñ Instagram paraqşasında M'yanma mwsılmandarın şerumen emes gumanitarlıq kömekpen qoldau kerektigin aytıp, Resey mwsılmandarın ereuil wyımdastırmauğa şaqırğan.

“The Qazaq Times”