Foto: Muhammad Hamed/Reuters; Michael Reynolds/EPA

Keşe Katar ämiri Şeyh Tamim bin Hamad äl-Tani Saud Arabiyasınıñ hanzadası Mwhammed bin Salmanmen telefon arqılı söylesti. Bwl qos memleket basşılarınıñ "Katar dağdarısı" bastalğan 5 mausımnan beri alğaş ret baylanısqa şığuı. Bwl turalı "Äl-Jazira" aqparattıq agenttigi jazdı.

Katar men Saud Arabiyasınıñ memlekettik basılımdarı arqılı jetken aqparatqa säykes, telefon arqılı bolğan äñgime barısında qos tarap ta diplomatiyalıq dağdarıstı şeşuge ıntalı ekenderin bildirgen.

Äl-Jazira aqparattıq agenttigi "Saud Arabiyasınıñ basşısı äriptesine telefon arqılı baylanısqa şığu turalı wsınıstı birinşi bolıp Katar jasağanın Dohanıñ memlekettik basılımı Qatar News Agency's (QNA) basqaşa jetkizip otırğanı dwrıs emestigin eskertti", - deydi. Qatar News Agency's (QNA) "Qos taraptıñ mäseleni telefon arqılı talqılauına AQŞ Prezidenti Donal'd Tramp sebepker boldı" dep jazğan bolatın.

Saud Arabiyasınıñ hanzadası Mwhammed bin Salman Parsı şığanağı elderiniñ twraqtılığı üşin, aradağı kelispeuşiliktiñ kürmeuin şeşu kerektigin, ol üşin qos taraptan 2 elşi tağayındau qajettiligin ayttı. Katar ämiri de atalğan wsınıstardı qabıldap, eldiñ täuelsizdigine nwqsan keltirmeytin kelissözderdi qabıldauğa dayın ekenin jetkizdi.

“The Qazaq Times”