كەشە كاتار ءامىرى شەيح تاميم بين حاماد ءال-تاني ساۋد ارابياسىنىڭ حانزاداسى مۇحاممەد بين سالمانمەن تەلەفون ارقىلى سويلەستى. بۇل قوس مەملەكەت باسشىلارىنىڭ "كاتار داعدارىسى" باستالعان 5 ماۋسىمنان بەرى العاش رەت بايلانىسقا شىعۋى. بۇل تۋرالى ء"ال-جازيرا" اقپاراتتىق اگەنتتىگى جازدى.

كاتار مەن ساۋد ارابياسىنىڭ مەملەكەتتىك باسىلىمدارى ارقىلى جەتكەن اقپاراتقا سايكەس، تەلەفون ارقىلى بولعان اڭگىمە بارىسىندا قوس تاراپ تا ديپلوماتيالىق داعدارىستى شەشۋگە ىنتالى ەكەندەرىن بىلدىرگەن.

ءال-جازيرا اقپاراتتىق اگەنتتىگى "ساۋد ارابياسىنىڭ باسشىسى ارىپتەسىنە تەلەفون ارقىلى بايلانىسقا شىعۋ تۋرالى ۇسىنىستى ءبىرىنشى بولىپ كاتار جاساعانىن دوحانىڭ مەملەكەتتىك باسىلىمى Qatar News Agency's (QNA) باسقاشا جەتكىزىپ وتىرعانى دۇرىس ەمەستىگىن ەسكەرتتى", - دەيدى. Qatar News Agency's (QNA) "قوس تاراپتىڭ ماسەلەنى تەلەفون ارقىلى تالقىلاۋىنا اقش پرەزيدەنتى دونالد ترامپ سەبەپكەر بولدى" دەپ جازعان بولاتىن.

ساۋد ارابياسىنىڭ حانزاداسى مۇحاممەد بين سالمان پارسى شىعاناعى ەلدەرىنىڭ تۇراقتىلىعى ءۇشىن، اراداعى كەلىسپەۋشىلىكتىڭ كۇرمەۋىن شەشۋ كەرەكتىگىن، ول ءۇشىن قوس تاراپتان 2 ەلشى تاعايىنداۋ قاجەتتىلىگىن ايتتى. كاتار ءامىرى دە اتالعان ۇسىنىستاردى قابىلداپ، ەلدىڭ تاۋەلسىزدىگىنە نۇقسان كەلتىرمەيتىن كەلىسسوزدەردى قابىلداۋعا دايىن ەكەنىن جەتكىزدى.

“The Qazaq Times”