Foto: inform.kz

QR Energetika ministrliginiñ ekologiya jäne jañartılatın energiya közderi (JEK) salasına qatıstı keybir funkciyaların basqa täuelsiz organğa beru qajet. Mwnday pikirdi Qazaqstannıñ jañartılatın energetika qauımdastığınıñ basşısı Arman Qaşqınbekov ayttı, dep habarlaydı LS.

Onıñ sözinşe, elde "jasıl" enegetika men ekonomikağa qatıstı täuelsiz organ qwrılu kerek.

"Biz prezident äkimşiligine jäne ükimetke «jasıl» energetika men ekonomikanıñ täuelsiz organın qwru turalı wsınıs jasadıq. Sebebi bizde ekologiya mwnay jäne kömir öndirisimen birge Energetika ministrliginiñ qwramında twr. YAğni "auanı lastauşılar" ekologtarğa bwyrıq berip otırğanday körinedi, mwnday jağdayda biz damu boladı dep oylamaymız", - dedi ol.

Alayda ol EXPO-2017 körmesi ötken soñ "bolaşaq energetikasına" jasalıp jatqan talpınıstar toqtap qala ma dep qorqadı.

"Biz bwl jağday bolmas üşin basqa da ekologiyalıq wyımdarmen kelesi şaralardı wsınamız. Ol aldımen subsidiyalaudan dästürli sektorğa birtindep ötu, halıqtıñ tölem qabilettiligine baylanıstı tarifterdi ösiru jäne halıqtıñ äleumettik az qamtılğan toptarın qoldau", - deydi Qaşqınbekov.

Sonday-aq, qauımdastıq basşısı "Qazaqstanda JEK-ti damıtudı qolğa alu kerek" degendi aytadı. Onıñ sözinşe, qazir elimizde JEK ülesi 1 payızdan da az körinedi. Al onı damıtu üşin şaralar jasau, zañnamalıq reforma jürgizu, qarjılandıru sındı problemalardı şeşu qajet eken.

“The Qazaq Times”