ەنەرگەتيكا مينيسترلىگىنىڭ جارتى قىزمەتىن تاۋەلسىز ورگاندارعا بەرۋ ۇسىنىلدى

قر ەنەرگەتيكا مينيسترلىگىنىڭ ەكولوگيا جانە جاڭارتىلاتىن ەنەرگيا كوزدەرى (جەك) سالاسىنا قاتىستى كەيبىر فۋنكتسيالارىن باسقا تاۋەلسىز ورگانعا بەرۋ قاجەت. مۇنداي پىكىردى قازاقستاننىڭ جاڭارتىلاتىن ەنەرگەتيكا قاۋىمداستىعىنىڭ باسشىسى ارمان قاشقىنبەكوۆ ايتتى، دەپ حابارلايدى LS.

ونىڭ سوزىنشە، ەلدە "جاسىل" ەنەگەتيكا مەن ەكونوميكاعا قاتىستى تاۋەلسىز ورگان قۇرىلۋ كەرەك.

ء"بىز پرەزيدەنت اكىمشىلىگىنە جانە ۇكىمەتكە «جاسىل» ەنەرگەتيكا مەن ەكونوميكانىڭ تاۋەلسىز ورگانىن قۇرۋ تۋرالى ۇسىنىس جاسادىق. سەبەبى بىزدە ەكولوگيا مۇناي جانە كومىر وندىرىسىمەن بىرگە ەنەرگەتيكا مينيسترلىگىنىڭ قۇرامىندا تۇر. ياعني "اۋانى لاستاۋشىلار" ەكولوگتارعا بۇيرىق بەرىپ وتىرعانداي كورىنەدى، مۇنداي جاعدايدا ءبىز دامۋ بولادى دەپ ويلامايمىز", - دەدى ول.

الايدا ول EXPO-2017 كورمەسى وتكەن سوڭ "بولاشاق ەنەرگەتيكاسىنا" جاسالىپ جاتقان تالپىنىستار توقتاپ قالا ما دەپ قورقادى.

ء"بىز بۇل جاعداي بولماس ءۇشىن باسقا دا ەكولوگيالىق ۇيىمدارمەن كەلەسى شارالاردى ۇسىنامىز. ول الدىمەن سۋبسيديالاۋدان ءداستۇرلى سەكتورعا بىرتىندەپ ءوتۋ، حالىقتىڭ تولەم قابىلەتتىلىگىنە بايلانىستى تاريفتەردى ءوسىرۋ جانە حالىقتىڭ الەۋمەتتىك از قامتىلعان توپتارىن قولداۋ", - دەيدى قاشقىنبەكوۆ.

سونداي-اق، قاۋىمداستىق باسشىسى "قازاقستاندا جەك-ءتى دامىتۋدى قولعا الۋ كەرەك" دەگەندى ايتادى. ونىڭ سوزىنشە، قازىر ەلىمىزدە جەك ۇلەسى 1 پايىزدان دا از كورىنەدى. ال ونى دامىتۋ ءۇشىن شارالار جاساۋ، زاڭنامالىق رەفورما جۇرگىزۋ، قارجىلاندىرۋ سىندى پروبلەمالاردى شەشۋ قاجەت ەكەن.

“The Qazaq Times”