Osı aptada QR Prezidenti Nwrswltan Nazarbaev mindetti äleumettik medicinalıq saqtandıruğa qatıstı pikir bildirip, jüyeni engizuge asıqpauğa şaqırğan bolatın. Osıdan soñ QR Densaulıq saqtau ministri Eljan Birtanov jüyeni engizudi bir eki jılğa şegerip, biraq medicinalıq saqtandıru qorına jarna jinau jalğasa berui mümkin ekenin aytqan edi. Alayda «Atameken» QR WKP basqarma törağası Abılay Mırzahmetovtıñ sözinşe, Densaulıq saqtau ministrliginiñ qorğa jarnalardı arı qaray jinau nemese jinamau jayındağı äreketi tüsiniksiz bolıp otır. Ol bwl turalı «abctv.kz» aqparattıq portalına bergen swhbatında ayttı.
– Qazir qoğamda özindik qwqıqtıq vakuum tüzildi. Densaulıq saqtau ministri reformanı engizudi eki-üş jılğa şegeru turalı oyın bildirdi. Alayda zañ boyınşa tölem mindettemelerin alıp tastağan joq. Osınday jağdayda jarnalardı töleudiñ paydası turalı swraqtar tuındağanda bizneske ne isteu kerek? Orındı swraq tuadı: osı eki jılda qarajattı jinaqtau ministrge ne üşin qajet? Osılayşa reforma ideyası mänin joğaltpay ma?
– Osınday saualdardı biznes-qoğamdastıq retinde biz de qoyıp otırmız. Ministr Birtanov merzimder bir-eki jalğa şegeriledi, qarajat jinaqtala beredi, özin-özi jwmıspen qamtığandardıñ mäselesi qaralatını jayında öziniñ birjaqtı oyın bildirdi, alayda ministr milliardtar töleuge mindetti biznes-qoğamdastıqtıñ pikirin nege swramaydı? «Atameken» Wlttıq palatası barlıq müddeli taraptardı jinap, birjaqtı şeşim qabıldau maqsatında jwmıs tobın qwrudı wsınadı. Ministr bwl wsınıstı qoldadı, biraq naqtı qadamdar jasalğan joq. Ayta ketelik, «Atameken» mausım ayında ötken IV S'ezinde öz wstanımın bildirgen bolatın: reformanı 2020 jılğa deyin şegerip, jetildiru kerek. Biz zañnıñ qabıldanıp, orındaluı qajet ekenin tüsinemiz. Qazir biznesmenderdiñ barlığı orındı swraq qoyıp otır: qorğa aqşa töleu kerek pe, joq pa? Bwl qarajat qayda ketedi? Eki jıl işinde qor ştatın ne üşin wstaydı? Osı swraqtar jwmıs beruşilerdiñ narazılığın tudırıp otır. Adal käsipkerler zañdı bwzğısı kelmeydi jäne bolıp jatqan üderistiñ mänin, aqşanı qayda ketkenin tüsinbey dal.
– YAğni reforma mazmwnı men mäni kümän keltiredi me?
– Memleket basşısı bwl reforma negizin jaqsılap retke keltiru qajet ekenin naqtı ayttı. «Atameken» medicianlıq saqtandırudıñ naqtı jüyesin engizudi qoldaydı, alayda is jüzinde ne bolıp jatır? Tağı da implementaciya ideyası dwrıs emes. Wğımdardı bwrmalau jürip jatır. Reforma mazmwnı boyınşa saqtandıru jüyesin emes, jwmıs beruşilerge qosımşa jaña salıq bolıp otır.
– Mindetti äleumettik medicinalıq saqtandıru soñğı jer reforması sındı qwrdımğa wşıraydı dep oylaysız ba?
–Bwl oqiğa ministrlerdiñ reformanı engizip qana qoymay, onıñ jüzege asuına da jeke jauapkerşilikpen qarau kerek ekenin körsetip otır. Jer reforması ayağına deyin istelmegeni jağdayında ministr Dosaev djentl'mendik tanıttı. Prezident mwnı jas ministrlerge sabaq alar mısal retinde keltirdi.
Otanğa oralğan qandas beyimdelui nemese Qandastar men Qazaqstandağı migranttardı aqparattıq qoldau jäne äleumettik beyimdeudiñ media-strategiyası
Astanada qalğan jañaözendik jwmıssızdar "Qazmwnaygaz" kelissözdi toqtatıp tastadı deydi
FBR Pentagonnıñ qwpiya qwjattarınıñ jariyalanuına qatısı bar küdiktini qamadı
Kinäsizdik prezumpciyasın bwzğan bas prokurordı Senat jauapqa tarta ma?
Ermwrat Bapi: Memleketten janaşırlıq körmegen halıq bilikke tasbüyrek boladı
