وسى اپتادا قر پرەزيدەنتى نۇرسۇلتان نازارباەۆ مىندەتتى الەۋمەتتىك مەديتسينالىق ساقتاندىرۋعا قاتىستى پىكىر ءبىلدىرىپ، جۇيەنى ەنگىزۋگە اسىقپاۋعا شاقىرعان بولاتىن. وسىدان سوڭ قر دەنساۋلىق ساقتاۋ ءمينيسترى ەلجان ءبىرتانوۆ جۇيەنى ەنگىزۋدى ءبىر ەكى جىلعا شەگەرىپ، بىراق مەديتسينالىق ساقتاندىرۋ قورىنا جارنا جيناۋ جالعاسا بەرۋى مۇمكىن ەكەنىن ايتقان ەدى. الايدا «اتامەكەن» قر ۇكپ باسقارما توراعاسى ابىلاي مىرزاحمەتوۆتىڭ سوزىنشە، دەنساۋلىق ساقتاۋ مينيسترلىگىنىڭ قورعا جارنالاردى ارى قاراي جيناۋ نەمەسە جيناماۋ جايىنداعى ارەكەتى تۇسىنىكسىز بولىپ وتىر. ول بۇل تۋرالى «abctv.kz» اقپاراتتىق پورتالىنا بەرگەن سۇحباتىندا ايتتى.
– قازىر قوعامدا وزىندىك قۇقىقتىق ۆاكۋم ءتۇزىلدى. دەنساۋلىق ساقتاۋ ءمينيسترى رەفورمانى ەنگىزۋدى ەكى-ءۇش جىلعا شەگەرۋ تۋرالى ويىن ءبىلدىردى. الايدا زاڭ بويىنشا تولەم مىندەتتەمەلەرىن الىپ تاستاعان جوق. وسىنداي جاعدايدا جارنالاردى تولەۋدىڭ پايداسى تۋرالى سۇراقتار تۋىنداعاندا بيزنەسكە نە ىستەۋ كەرەك؟ ورىندى سۇراق تۋادى: وسى ەكى جىلدا قاراجاتتى جيناقتاۋ مينيسترگە نە ءۇشىن قاجەت؟ وسىلايشا رەفورما يدەياسى ءمانىن جوعالتپاي ما؟
– وسىنداي ساۋالداردى بيزنەس-قوعامداستىق رەتىندە ءبىز دە قويىپ وتىرمىز. مينيستر ءبىرتانوۆ مەرزىمدەر ءبىر-ەكى جالعا شەگەرىلەدى، قاراجات جيناقتالا بەرەدى، ءوزىن-ءوزى جۇمىسپەن قامتىعانداردىڭ ماسەلەسى قارالاتىنى جايىندا ءوزىنىڭ بىرجاقتى ويىن ءبىلدىردى، الايدا مينيستر ميللياردتار تولەۋگە مىندەتتى بيزنەس-قوعامداستىقتىڭ پىكىرىن نەگە سۇرامايدى؟ «اتامەكەن» ۇلتتىق پالاتاسى بارلىق مۇددەلى تاراپتاردى جيناپ، بىرجاقتى شەشىم قابىلداۋ ماقساتىندا جۇمىس توبىن قۇرۋدى ۇسىنادى. مينيستر بۇل ۇسىنىستى قولدادى، بىراق ناقتى قادامدار جاسالعان جوق. ايتا كەتەلىك، «اتامەكەن» ماۋسىم ايىندا وتكەن IV سەزىندە ءوز ۇستانىمىن بىلدىرگەن بولاتىن: رەفورمانى 2020 جىلعا دەيىن شەگەرىپ، جەتىلدىرۋ كەرەك. ءبىز زاڭنىڭ قابىلدانىپ، ورىندالۋى قاجەت ەكەنىن تۇسىنەمىز. قازىر بيزنەسمەندەردىڭ بارلىعى ورىندى سۇراق قويىپ وتىر: قورعا اقشا تولەۋ كەرەك پە، جوق پا؟ بۇل قاراجات قايدا كەتەدى؟ ەكى جىل ىشىندە قور شتاتىن نە ءۇشىن ۇستايدى؟ وسى سۇراقتار جۇمىس بەرۋشىلەردىڭ نارازىلىعىن تۋدىرىپ وتىر. ادال كاسىپكەرلەر زاڭدى بۇزعىسى كەلمەيدى جانە بولىپ جاتقان ۇدەرىستىڭ ءمانىن، اقشانى قايدا كەتكەنىن تۇسىنبەي دال.
– ياعني رەفورما مازمۇنى مەن ءمانى كۇمان كەلتىرەدى مە؟
– مەملەكەت باسشىسى بۇل رەفورما نەگىزىن جاقسىلاپ رەتكە كەلتىرۋ قاجەت ەكەنىن ناقتى ايتتى. «اتامەكەن» مەديتسيانلىق ساقتاندىرۋدىڭ ناقتى جۇيەسىن ەنگىزۋدى قولدايدى، الايدا ءىس جۇزىندە نە بولىپ جاتىر؟ تاعى دا يمپلەمەنتاتسيا يدەياسى دۇرىس ەمەس. ۇعىمداردى بۇرمالاۋ ءجۇرىپ جاتىر. رەفورما مازمۇنى بويىنشا ساقتاندىرۋ جۇيەسىن ەمەس، جۇمىس بەرۋشىلەرگە قوسىمشا جاڭا سالىق بولىپ وتىر.
– مىندەتتى الەۋمەتتىك مەديتسينالىق ساقتاندىرۋ سوڭعى جەر رەفورماسى سىندى قۇردىمعا ۇشىرايدى دەپ ويلايسىز با؟
–بۇل وقيعا مينيسترلەردىڭ رەفورمانى ەنگىزىپ قانا قويماي، ونىڭ جۇزەگە اسۋىنا دا جەكە جاۋاپكەرشىلىكپەن قاراۋ كەرەك ەكەنىن كورسەتىپ وتىر. جەر رەفورماسى اياعىنا دەيىن ىستەلمەگەنى جاعدايىندا مينيستر دوساەۆ دجەنتلمەندىك تانىتتى. پرەزيدەنت مۇنى جاس مينيسترلەرگە ساباق الار مىسال رەتىندە كەلتىردى.
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
اينارا ايدارحان. ايگەرىم اقتالعانشا كۇرەسەدى. ەندى بۇۇ-نا ارىزدانامىز
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
