Foto: youtube.com

Halıqaralıq ğılımi qauımdastıq Braziliyanıñ tabiğatı üşin alañdaydı. Atalğan mälimdeme älemniñ 65 elinen jinalğan mıñğa juıq ekolog ğalımdar Braziliyanıñ oñtüstigindegi Fos-de-Iguasude bas qosqannan keyin jasaldı. 

Braziliyanıñ Prezidenti Mişel' Temer sottıñ kömegimen erekşe qorğauda bolğan Amazonka ormandarına qol swqpau turalı dekrettiñ küşin joydı. El Ükimeti Amazonka ormandarınan paydalı qazbalar öndirudi qolğa aludı josparlap otır.  Biliktiñ bwl qadamına qarsı el işinde qarsılıqtar men şeruler bolğanına qaramastan, qorşağan ortanıñ tabiği qalpın saqtap qalu turalı wsınıstar äzirge eskerilmey otır.

Ğalımdardıñ biri "Braziliya Latın Amerikasındağı köşbasşı memleket bolğanımen, ekologiyalıq mäsele jöninen aldıñğı qatarğa şığa almay otır" degen pikirin bildirdi. Zertteuşiler tobı kürt azayğan byudjetti qayta toltıru üşin Amazonka ormandarına orasan şığın keltiretin resurstardı öndiru jwmıstarın bastauğa qarsı ekendikterin jetkizdi.

“The Qazaq Times”