QR Wlttıq ekonomika ministri Timur Süleymenov. Foto: Alau-TV

Bügin Wlttıq ekonomika ministri Timur Süleymenov ükimet otırısında ında 2018-2022 jıldarğa arnalğan äleumettik-ekonomikalıq damu boljamdarmen bölisti.

Ministrdiñ boljamı jaman emes, Onıñ boljamınşa, osı jıldıñ basınan beri ekonomikalıq belsendiliktiñ jaqsaruı bayqalıp otır eken.

"Jalpı işki önim ösimi 7 ayda 4,0%-dı qwradı. 2017 jıldıñ qorıtındısı boyınşa biz ekonomikalıq ösimdi 3,4%-dıq deñgeyde kütip otırmız», - dedi Süleymenov.

Sonday-aq, ol 2018-2022 jıldarğa arnalğan äleumettik-ekonomikalıq damu boljamınıñ jäne 2018-2020 jıldarğa arnalğan byudjettik parametrlerdi qwruda mwnaydıñ konservativtik bağası - 45 AQŞ dolları kezindegi bazalıq scenariy alınğanın atap ötti.

«JİÖ-niñ naqtı ösimi 2018 jılı 3,1% deñgeyde bolsa, 2022 jılğa qaray 4,2%-ğa ösui boljanuda. Aldağı besjıldıq kezeñde JİÖ ösiminiñ ortaşa jıldıq qarqını 3,7%-dı qwraydı», - dedi Süleymenov.

Bwdan bölek ol inflyaciyağa jäne jwmıssızdıq deñgeyiniñ qanday bolatınına da toqtala ketti.

«Wlttıq Bank jıldıq inflyaciyanıñ maqsattı dälizin 2018 jılı 5,0-7,0%-ğa, 2019 jılı 4,0-6,0%-ğa, 2020-2022 jıldarğa 3,0-4,0%-ğa azaytu arqılı saqtadı.  Jwmıssızdıq deñgeyi 2018 jılğı 4,9%-dan  2022 jılı 4,7%-ğa deyin tömendeydi», - dedi Süleymenov.

Ayta keteyik, bizde ministrlerdiñ qızmet etu merzimi tım wzaqqa barmaydı. Mısalı Wlttıq ekonomika ministri qazir osınday pozitiv boljam jasap otır. Alayda erteñ ministrdiñ qızmeti auısqan jağdayda jäne bwl boljam orındalmağan bolsa onıñ ornına kelgen adam tağı bir jaña joramal aytuı ğajap emes.

“The Qazaq Times”