بۇگىن ۇلتتىق ەكونوميكا ءمينيسترى تيمۋر سۇلەيمەنوۆ ۇكىمەت وتىرىسىندا ىندا 2018-2022 جىلدارعا ارنالعان الەۋمەتتىك-ەكونوميكالىق دامۋ بولجامدارمەن ءبولىستى.
ءمينيستردىڭ بولجامى جامان ەمەس، ونىڭ بولجامىنشا، وسى جىلدىڭ باسىنان بەرى ەكونوميكالىق بەلسەندىلىكتىڭ جاقسارۋى بايقالىپ وتىر ەكەن.
"جالپى ىشكى ءونىم ءوسىمى 7 ايدا 4,0%-دى قۇرادى. 2017 جىلدىڭ قورىتىندىسى بويىنشا ءبىز ەكونوميكالىق ءوسىمدى 3,4%-دىق دەڭگەيدە كۇتىپ وتىرمىز»، - دەدى سۇلەيمەنوۆ.
سونداي-اق، ول 2018-2022 جىلدارعا ارنالعان الەۋمەتتىك-ەكونوميكالىق دامۋ بولجامىنىڭ جانە 2018-2020 جىلدارعا ارنالعان بيۋدجەتتىك پارامەترلەردى قۇرۋدا مۇنايدىڭ كونسەرۆاتيۆتىك باعاسى - 45 اقش دوللارى كەزىندەگى بازالىق ستسەناري الىنعانىن اتاپ ءوتتى.
«ءجىو-ءنىڭ ناقتى ءوسىمى 2018 جىلى 3,1% دەڭگەيدە بولسا، 2022 جىلعا قاراي 4,2%-عا ءوسۋى بولجانۋدا. الداعى بەسجىلدىق كەزەڭدە ءجىو ءوسىمىنىڭ ورتاشا جىلدىق قارقىنى 3,7%-دى قۇرايدى»، - دەدى سۇلەيمەنوۆ.
بۇدان بولەك ول ينفلياتسياعا جانە جۇمىسسىزدىق دەڭگەيىنىڭ قانداي بولاتىنىنا دا توقتالا كەتتى.
«ۇلتتىق بانك جىلدىق ينفلياتسيانىڭ ماقساتتى ءدالىزىن 2018 جىلى 5,0-7,0%-عا، 2019 جىلى 4,0-6,0%-عا، 2020-2022 جىلدارعا 3,0-4,0%-عا ازايتۋ ارقىلى ساقتادى. جۇمىسسىزدىق دەڭگەيى 2018 جىلعى 4,9%-دان 2022 جىلى 4,7%-عا دەيىن تومەندەيدى»، - دەدى سۇلەيمەنوۆ.
ايتا كەتەيىك، بىزدە مينيسترلەردىڭ قىزمەت ەتۋ مەرزىمى تىم ۇزاققا بارمايدى. مىسالى ۇلتتىق ەكونوميكا ءمينيسترى قازىر وسىنداي پوزيتيۆ بولجام جاساپ وتىر. الايدا ەرتەڭ ءمينيستردىڭ قىزمەتى اۋىسقان جاعدايدا جانە بۇل بولجام ورىندالماعان بولسا ونىڭ ورنىنا كەلگەن ادام تاعى ءبىر جاڭا جورامال ايتۋى عاجاپ ەمەس.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى