QR Bas Prokuraturası. Foto: prokuror.gov.kz

 QR Prezidentiniñ kelisimimen Bas Prokuror Jaqıp Asanovtıñ 28 tamız 2017 jılğı  bwyrığımen birqatar oblıs prokurorları tağayındaldı, dep habarlaydı vedomstvonıñ baspasöz qızmeti.

Sonımen jaña qızmetke kelgen prokurorlardıñ atı-jöni tömendegidey.

Şığıs Qazaqstan oblısı prokurorı lauazımına Igembaev Qwsayın Abzalbekwlı tağayındaldı.

Şığıs Qazaqstan oblısı jaña prokurorı Igembaev Qwsayın Abzalbekwlı

Osığan deyin bwl lauazımda 2012 jıldan beri bolğan Bağban Tayımbetovtı Igembaev Qwsayın auıstırdı.

Qwsayın Igembaev 1962 jılı Qarağandı oblısında düniege kelgen. E.A. Buketov atındağı Qarağandı memlekettik universitetin «qwqıqtanu» mamandığı boyınşa ayaqtağan.

Prokuratura organdarında är kezeñde türli lauazımda bolğan. Olar: Jezqazğan oblısı Balqaş qalası prokuraturasında ağa tergeuşi, Balqaş tabiğattı qorğau prokurorınıñ ağa kömekşisi, Balqaş qalası prokurorınıñ orınbasarı, Jañaarqa jäne Bwqar jırau audanı prokurorı, Qarağandı oblısı Temirtau qalasınıñ prokurorı, Qarağandı oblısı prokurorınıñ orınbasarı, Qarağandı oblısı men Bas äskeri prokurordıñ birinşi orınbasarı.

2015 jıldan bastap Bas prokuraturanıñ Qılmıstıq qudalaudıñ zañdılığın qadağalau departamentiniñ (birinşi qızmet) bastığı boldı.

Qarağandı oblısı prokurorı bolıp Seksembaev Marat Islamhanwlı tağayındaldı.

Qarağandı oblısınıñ jaña prokurorı Seksembaev Marat Islamhanwlı.

Marat Seksembaev 2016 jıldan beri osı qızmettegi Tileuğaliev Ibıray Äşimhanwlın almastırdı.

Seksembaev M.I. 1979 jılı Torğay oblısın Arqalıq qalasında ömirge kelgen. E.A. Buketov atındağı Qarağandı memlekettik universitetin bitirgen.

Prokuratura, ädilet jäne qarjı policiyası organdarında türli kızmetterde boldı. 2014-2016 jıldarı Qazaqstan Respublikası Prezidenti Äkimşiliginiñ Qwqıq qorğau jüyesi böliminiñ meñgeruşisi boldı.

2016 jıldan osı kezeñge deyin Bas prokuraturanıñ Qoğamdıq müddeni qorğau departamenti (üşinşi qızmet) bastığı lauazımın atqardı.

Qostanay oblısı prokurorı bolıp Süleymenov Timur Qayırbekwlı tağayındaldı.

Qostanay oblısınıñ prokurorı Süleymenov Timur Qayırbekwlı.

Timur Süleymenov osı lauazımda 2012 jıldan beri bolğan Qaybjanov Marat Jolmağanbetwlın almastırdı.

Timur Süleymenov 1975 jılı Resey Federaciyası Novosibir oblısı Kuybışev qalasında düniege kelgen. 1997 jılı Äl-Farabi atındağı Qazaq wlttıq universitetin ayaqtağan.

Almatı qalasındağı prokuratura organdarında türli qızmette bolğan, onıñ işinde Äuezov audanı prokurorınıñ orınbasarı, Türkisib audanı prokurorı, Almatı qalası prokurorınıñ orınbasarı jäne birinşi orınbasarı.

2013 jıldan beri Astana qalası prokurorınıñ birinşi orınbasarı lauazımında boldı.

Aqtöbe oblısınıñ prokurorı bolıp Qaybjanov Marat Jolmağanbetwlı tağayındaldı.

Aqtöbe oblısınıñ prokurorı Qaybjanov Marat Jolmağanbetwlı.

Bwl qızmette Marat Qaybjanov osı qızmette 2012 jıldan beri bolğan Äbdirov Nwrğalım Mäjitwlın auıstırdı.

Qaybjanov M.J. 1965 jılı Qostanay oblısında düniege kelgen. R.A. Rudenko atındağı Sverdlov zañ institutın bitirgen.

Birqatar basşılıq qızmette bolğan. Olar: Qostanay qalası prokurorınıñ orınbasarı, Qostanay jäne Meñdiqara audandarınıñ prokurorı, Qostanay oblısı Lisakovsk qalasınıñ prokurorı, Bas prokuroratura Basqarmasınıñ bastığı, Qazaqstan Respublikası Bas prokuraturasınıñ Departament bastığınıñ orınbasarı, Departament bastığı.

2012 jıldan osı kezeñge deyin Qostanay oblısınıñ prokurorı qızmetin atqarğan.

Oñtüstik Qazaqstan oblısı prokurorı bolıp Äbdirov Nwrğalım Mäjitwlı tağayındaldı.

Oñtüstik Qazaqstan oblısınıñ prokurorı Äbdirov Nwrğalım Mäjitwlı.

Nwrğalım Äbdirov osı qızmette 2012 jıldan beri bolğan Imanov Ibrahim Äljanwlın almastırdı.

Äbdirov N.M. 1967 jılı Qarağandı oblısında düniege kelgen. E.A. Böketov atındağı Qarağandı memlekettik universitetin «qwqıqtanu» mamandığı boyınşa ayaqtağan.

Bölim prokurorı, prokuraturada tergeuşi, Temirtau qalası prokurorınıñ orınbasarı, Qarağandı oblısı Şet audanınıñ prokurorı, Qazaqstan Respublikası Bas prokuraturasınıñ Bölim jäne Basqarma basşısı, odan soñ Departament bastığı bolğan.

2012 jıldan beri Aqtöbe oblısınıñ prokurorı lauazımında boldı.

Jambıl oblısınıñ prokurorı bolıp Imanov Ibrahim Äljanwlı tağayındaldı.

Jambıl oblısınıñ prokurorı Imanov Ibrahim Äljanwlı

Ibrahim Imanov osı qızmette 2012 jıldan beri bolğan Sıbankulov Ernat Mwhanbetqaliwlın auıstırdı.

Imanov I.M. 1959 jılı Şımkent oblısında düniege kelgen. V.I. Lenin atındağı Qazaq politehnikalıq institutın «paydalı qazbalardıñ ken orındarın jerastı öñdeudi keşendi mehanikalandıru men tehnologiyası» mamandığı boyınşa jäne E.A. Böketov atındağı Qarağandı memlekettik universitetin «qwqıqtanu» mamandığı boyınşa bitirgen.

Prokuratura organdarında täjiribesi mol, onıñ işinde basşılıq lauazımdarda. Ekibastwz qalasınıñ prokurorı, Pavlodar oblısı Kaçir audanı prokurorı, Pavlodar, Qarağandı jäne Oñtüstik Qazaqstan oblıs prokurorlarınıñ orınbasarı bolğan.

2012 jıldan beri Oñtüstik Qazaqstan oblısı prokurorı qızmetinde boldı.

Atırau oblısınıñ prokurorı lauazımına Sıbanqwlov Ernat Mwhametqaliwlı tağayındaldı.

Atırau oblısınıñ prokurorı Sıbanqwlov Ernat Mwhametqaliwlı.

Ernat Sıbanqwlov osı qızmette 2012 jıldan beri qızmette bolğan Toğızbaev Ğalımjan Isataywlın auıstırdı.

Sıbanqwlov E.M. 1973 jılı Almatı oblısında düniege kelgen. Äl-Farabi atındağı Qazaq wlttıq universitetin «qwqıqtanu» mamandığı boyınşa bitirgen.

Öz kezeginde kömekşi qızmetinde, Almatı qalası Mäskeu jäne Medeu audanı prokurorınıñ ağa kömekşisi, Almatı qalası Türkisib jäne Medeu audanı prokurorınıñ orınbasarı, Almatı qalası Eñbekşiqazaq, Almalı jäne Medeu audanı prokurorı, Jambıl oblısı prokurorınıñ orınbasarı, Almatı oblısı prokurorınıñ birinşi orınbasarı boldı.

2012 jıldan beri Jambıl oblısı prokurorınıñ lauazımın atqardı.

“The Qazaq Times”