جەتى وبلىستىڭ پروكۋرورى اۋىستى

 قر پرەزيدەنتىنىڭ كەلىسىمىمەن باس پروكۋرور جاقىپ اسانوۆتىڭ 28 تامىز 2017 جىلعى  بۇيرىعىمەن بىرقاتار وبلىس پروكۋرورلارى تاعايىندالدى، دەپ حابارلايدى ۆەدومستۆونىڭ ءباسپاسوز قىزمەتى.

سونىمەن جاڭا قىزمەتكە كەلگەن پروكۋرورلاردىڭ اتى-ءجونى تومەندەگىدەي.

شىعىس قازاقستان وبلىسى پروكۋرورى لاۋازىمىنا يگەمباەۆ قۇسايىن ابزالبەكۇلى تاعايىندالدى.

شىعىس قازاقستان وبلىسى جاڭا پروكۋرورى يگەمباەۆ قۇسايىن ابزالبەكۇلى

وسىعان دەيىن بۇل لاۋازىمدا 2012 جىلدان بەرى بولعان باعبان تايىمبەتوۆتى يگەمباەۆ قۇسايىن اۋىستىردى.

قۇسايىن يگەمباەۆ 1962 جىلى قاراعاندى وبلىسىندا دۇنيەگە كەلگەن. ە.ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا اياقتاعان.

پروكۋراتۋرا ورگاندارىندا ءار كەزەڭدە ءتۇرلى لاۋازىمدا بولعان. ولار: جەزقازعان وبلىسى بالقاش قالاسى پروكۋراتۋراسىندا اعا تەرگەۋشى، بالقاش تابيعاتتى قورعاۋ پروكۋرورىنىڭ اعا كومەكشىسى، بالقاش قالاسى پروكۋرورىنىڭ ورىنباسارى، جاڭاارقا جانە بۇقار جىراۋ اۋدانى پروكۋرورى، قاراعاندى وبلىسى تەمىرتاۋ قالاسىنىڭ پروكۋرورى، قاراعاندى وبلىسى پروكۋرورىنىڭ ورىنباسارى، قاراعاندى وبلىسى مەن باس اسكەري پروكۋروردىڭ ءبىرىنشى ورىنباسارى.

2015 جىلدان باستاپ باس پروكۋراتۋرانىڭ قىلمىستىق قۋدالاۋدىڭ زاڭدىلىعىن قاداعالاۋ دەپارتامەنتىنىڭ ء(بىرىنشى قىزمەت) باستىعى بولدى.

قاراعاندى وبلىسى پروكۋرورى بولىپ سەكسەمباەۆ مارات يسلامحانۇلى تاعايىندالدى.

قاراعاندى وبلىسىنىڭ جاڭا پروكۋرورى سەكسەمباەۆ مارات يسلامحانۇلى.

مارات سەكسەمباەۆ 2016 جىلدان بەرى وسى قىزمەتتەگى تىلەۋعاليەۆ ىبىراي ءاشىمحانۇلىن الماستىردى.

سەكسەمباەۆ م.ي. 1979 جىلى تورعاي وبلىسىن ارقالىق قالاسىندا ومىرگە كەلگەن. ە.ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن.

پروكۋراتۋرا، ادىلەت جانە قارجى پوليتسياسى ورگاندارىندا ءتۇرلى كىزمەتتەردە بولدى. 2014-2016 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ قۇقىق قورعاۋ جۇيەسى ءبولىمىنىڭ مەڭگەرۋشىسى بولدى.

2016 جىلدان وسى كەزەڭگە دەيىن باس پروكۋراتۋرانىڭ قوعامدىق مۇددەنى قورعاۋ دەپارتامەنتى ء(ۇشىنشى قىزمەت) باستىعى لاۋازىمىن اتقاردى.

قوستاناي وبلىسى پروكۋرورى بولىپ سۇلەيمەنوۆ تيمۋر قايىربەكۇلى تاعايىندالدى.

قوستاناي وبلىسىنىڭ پروكۋرورى سۇلەيمەنوۆ تيمۋر قايىربەكۇلى.

تيمۋر سۇلەيمەنوۆ وسى لاۋازىمدا 2012 جىلدان بەرى بولعان قايبجانوۆ مارات جولماعانبەتۇلىن الماستىردى.

تيمۋر سۇلەيمەنوۆ 1975 جىلى رەسەي فەدەراتسياسى ءنوۆوسىبىر وبلىسى كۋيبىشەۆ قالاسىندا دۇنيەگە كەلگەن. 1997 جىلى ءال-فارابي اتىنداعى قازاق ۇلتتىق ۋنيۆەرسيتەتىن اياقتاعان.

الماتى قالاسىنداعى پروكۋراتۋرا ورگاندارىندا ءتۇرلى قىزمەتتە بولعان، ونىڭ ىشىندە اۋەزوۆ اۋدانى پروكۋرورىنىڭ ورىنباسارى، تۇركىسىب اۋدانى پروكۋرورى، الماتى قالاسى پروكۋرورىنىڭ ورىنباسارى جانە ءبىرىنشى ورىنباسارى.

2013 جىلدان بەرى استانا قالاسى پروكۋرورىنىڭ ءبىرىنشى ورىنباسارى لاۋازىمىندا بولدى.

اقتوبە وبلىسىنىڭ پروكۋرورى بولىپ قايبجانوۆ مارات جولماعانبەتۇلى تاعايىندالدى.

اقتوبە وبلىسىنىڭ پروكۋرورى قايبجانوۆ مارات جولماعانبەتۇلى.

بۇل قىزمەتتە مارات قايبجانوۆ وسى قىزمەتتە 2012 جىلدان بەرى بولعان ءابدىروۆ نۇرعالىم ءماجيتۇلىن اۋىستىردى.

قايبجانوۆ م.ج. 1965 جىلى قوستاناي وبلىسىندا دۇنيەگە كەلگەن. ر.ا. رۋدەنكو اتىنداعى سۆەردلوۆ زاڭ ينستيتۋتىن بىتىرگەن.

بىرقاتار باسشىلىق قىزمەتتە بولعان. ولار: قوستاناي قالاسى پروكۋرورىنىڭ ورىنباسارى، قوستاناي جانە مەڭدىقارا اۋداندارىنىڭ پروكۋرورى، قوستاناي وبلىسى ليساكوۆسك قالاسىنىڭ پروكۋرورى، باس پروكۋروراتۋرا باسقارماسىنىڭ باستىعى، قازاقستان رەسپۋبليكاسى باس پروكۋراتۋراسىنىڭ دەپارتامەنت باستىعىنىڭ ورىنباسارى، دەپارتامەنت باستىعى.

2012 جىلدان وسى كەزەڭگە دەيىن قوستاناي وبلىسىنىڭ پروكۋرورى قىزمەتىن اتقارعان.

وڭتۇستىك قازاقستان وبلىسى پروكۋرورى بولىپ ءابدىروۆ نۇرعالىم ءماجيتۇلى تاعايىندالدى.

وڭتۇستىك قازاقستان وبلىسىنىڭ پروكۋرورى ءابدىروۆ نۇرعالىم ءماجيتۇلى.

نۇرعالىم ءابدىروۆ وسى قىزمەتتە 2012 جىلدان بەرى بولعان يمانوۆ يبراھيم ءالجانۇلىن الماستىردى.

ءابدىروۆ ن.م. 1967 جىلى قاراعاندى وبلىسىندا دۇنيەگە كەلگەن. ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا اياقتاعان.

ءبولىم پروكۋرورى، پروكۋراتۋرادا تەرگەۋشى، تەمىرتاۋ قالاسى پروكۋرورىنىڭ ورىنباسارى، قاراعاندى وبلىسى شەت اۋدانىنىڭ پروكۋرورى، قازاقستان رەسپۋبليكاسى باس پروكۋراتۋراسىنىڭ ءبولىم جانە باسقارما باسشىسى، ودان سوڭ دەپارتامەنت باستىعى بولعان.

2012 جىلدان بەرى اقتوبە وبلىسىنىڭ پروكۋرورى لاۋازىمىندا بولدى.

جامبىل وبلىسىنىڭ پروكۋرورى بولىپ يمانوۆ يبراھيم ءالجانۇلى تاعايىندالدى.

جامبىل وبلىسىنىڭ پروكۋرورى يمانوۆ يبراھيم ءالجانۇلى

يبراھيم يمانوۆ وسى قىزمەتتە 2012 جىلدان بەرى بولعان سىبانكۋلوۆ ەرنات مۇحانبەتقاليۇلىن اۋىستىردى.

يمانوۆ ي.م. 1959 جىلى شىمكەنت وبلىسىندا دۇنيەگە كەلگەن. ۆ.ي. لەنين اتىنداعى قازاق پوليتەحنيكالىق ينستيتۋتىن «پايدالى قازبالاردىڭ كەن ورىندارىن جەراستى وڭدەۋدى كەشەندى مەحانيكالاندىرۋ مەن تەحنولوگياسى» ماماندىعى بويىنشا جانە ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.

پروكۋراتۋرا ورگاندارىندا تاجىريبەسى مول، ونىڭ ىشىندە باسشىلىق لاۋازىمداردا. ەكىباستۇز قالاسىنىڭ پروكۋرورى، پاۆلودار وبلىسى كاچير اۋدانى پروكۋرورى، پاۆلودار، قاراعاندى جانە وڭتۇستىك قازاقستان وبلىس پروكۋرورلارىنىڭ ورىنباسارى بولعان.

2012 جىلدان بەرى وڭتۇستىك قازاقستان وبلىسى پروكۋرورى قىزمەتىندە بولدى.

اتىراۋ وبلىسىنىڭ پروكۋرورى لاۋازىمىنا سىبانقۇلوۆ ەرنات مۇحامەتقاليۇلى تاعايىندالدى.

اتىراۋ وبلىسىنىڭ پروكۋرورى سىبانقۇلوۆ ەرنات مۇحامەتقاليۇلى.

ەرنات سىبانقۇلوۆ وسى قىزمەتتە 2012 جىلدان بەرى قىزمەتتە بولعان توعىزباەۆ عالىمجان يساتايۇلىن اۋىستىردى.

سىبانقۇلوۆ ە.م. 1973 جىلى الماتى وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.

ءوز كەزەگىندە كومەكشى قىزمەتىندە، الماتى قالاسى ماسكەۋ جانە مەدەۋ اۋدانى پروكۋرورىنىڭ اعا كومەكشىسى، الماتى قالاسى تۇركىسىب جانە مەدەۋ اۋدانى پروكۋرورىنىڭ ورىنباسارى، الماتى قالاسى ەڭبەكشىقازاق، المالى جانە مەدەۋ اۋدانى پروكۋرورى، جامبىل وبلىسى پروكۋرورىنىڭ ورىنباسارى، الماتى وبلىسى پروكۋرورىنىڭ ءبىرىنشى ورىنباسارى بولدى.

2012 جىلدان بەرى جامبىل وبلىسى پروكۋرورىنىڭ لاۋازىمىن اتقاردى.

“The Qazaq Times”