وڭتۇستىك قازاقستان وبلىسىنىڭ اكىمى جانسەيىت تۇيمەباەۆ.

وڭتۇستىك قازاقستان وبلىسىنىڭ اكىمى جانسەيىت تۇيمەباەۆ وبلىستىق ءماسليحاتتىڭ كەزەكتى XIV سەسسياسىندا بيىلعى جىلدىڭ 7 ايىندا اتقارىلعان جۇمىستار بويىنشا ەسەپ بەردى، دەپ حابارلايدى وقو اكىمدىگىڭ ءباسپاسوز قىزمەتى. 

اكىمنىڭ بەرگەن ەسەبى بويىنشا 2017 جىلدىڭ 7 ايىندا وبلىستا ماڭىزدى الەۋمەتتىك-ەكونوميكالىق كورسەتكىشتەردىڭ ءوسىمى ساقتالعان. وسى ۋاقىت ىشىندە وبلىستا 439,1 ملرد تەڭگەنىڭ ونەركاسىپ ءونىمى ءوندىرىلىپ، وتكەن جىلدىڭ سايكەس كەزەڭىمەن سالىستىرعاندا 0,3 پايىزعا وسكەن. ال، ونەركاسىپ سالاسىنداعى وڭدەۋ ونەركاسىبى 301,3 ملرد تەڭگەنى قۇراپ، 34,6 ملرد. تەڭگەگە ارتقان.

باياندامادا كورسەتىلگەندەي وسى جىلى نەگىزگى كاپيتالعا 229,9 ملرد تەڭگە ينۆەستيتسيا تارتىلىپ، بۇل رەسپۋبليكاداعى ۇلەسىنىڭ 5,7 % قۇراعان. وڭىرگە كوپتەپ ينۆەستيتسيا تارتۋ ماقساتىندا جىل باسىنان بەرى شەتەل ينۆەستورلارىمەن 40-تان اسا ىسكەرلىك كەزدەسۋلەر ۇيىمداستىرىلدى.

ناتيجەسىندە، ءباا – مەديتسينالىق بۇيىمدار جانە دارىلىك زاتتار شىعاراتىن زاۋىت سالۋ، رەسەي ەلىمەن – ەۋرو-5 ستاندارتىنا ساي جانار-جاعارماي وندىرەتىن مۇناي وڭدەۋ زاۋىتىن سالۋ، ال قىتاي ەلىمەن بىرلەسە بيوەتالون، فوسفور تىڭايتقىشىن  شىعاراتىن جانە 200 مۆت كۇن ەلەكتر ستانتسياسى قۇرىلىستارىن جۇرگىزۋ ماقساتىندا كەلىسىمدەرگە كەلدى.

سونداي-اق، وبلىستا جۇمىس ىستەپ تۇرعان شاعىن جانە ورتا كاسىپورىن سۋبەكتىلەرى 177 709 بىرلىككە جەتكەن. ال، بۇل سالادا جۇمىسپەن قامتىلعاندار 331 490 ادامدى قۇرادى. ولارمەن 158,3 ملرد تەڭگەنىڭ ءونىمى وندىرىلگەن.

سەسسيادا وبلىس باسشىسىنىڭ جۇمىسىن وڭ باعالاعان دەپۋتاتتار اۋدان، قالانىڭ دامۋى جانە تۇرعىنداردىڭ ءال-اۋقاتىن جاقسارتۋ باعىتىندا ۇسىنىستارى مەن وزەكتى ماسەلەلەر بويىنشا سۇراقتارىن قويدى.

ايتا كەتەيىك، جانسەيىت تۇيمەباەۆ وڭتۇستىك قازاقستان وبلىسىنا اكىم بولعالى باسقا ەمەس وسى وڭىردەن سولتۇستىككە كوشكەن وتباسىلار سانى كوبەيدى جانە كوشكەندەردىڭ كوپشىلىگى جۇمىسسىز، الەۋمەتتىك جاعدايى ورتا تۇرعىندار.

“The Qazaq Times”