Foto: almaty.gov.kz

Almatıda magistral'dı köşelerdegi jol jöndeu jwmıstarı ayaqtaldı. Josparlanğan 151 şaqırım joldıñ barlığına ortaşa jöndeu jwmıstarı jürgizilgen, dep habarladı qala äkimdiginiñ baspasöz qızmeti.

Äkimdiktiñ mälimetinşe, Şevçenko jäne Konaev köşelerinde kölik qozğalısı aşıldı, bwlardağı rel'ster alınıp tastaldı, arıq lotoktarı töselude, trotuarlar, Orbita ışqam audanınan Kökbazarğa deyingi velodälizdiñ bir böligi bolıp tabılatın velojoldar abattandırıluda.

Kürdeli jöndeu jwmıstarı jürgen Baytwrsınov köşesi boyımen Timiryazev köşesinen Abay dañğılına deyingi joldar aumağı da jöndelip, mwnda da kölik qozğalısı aşılğan. Jandosov köşesiniñ wzındığı 2,8 şaqırım bolatın uçaskesindegi kürdeli jöndeu jwmıstarı da ayaqtalıp qaldı. Qazirgi kezde mwnda qozğalıs böligi , trotuarlar men velojoldar abattandırıluda.

Asqarov köşesinen Äl-Farabi dañğılınıñ batıs böligindegi wzındığı 3,5 şaqırım bolatın su jüyelerin qayta jasaluda.

Sonımen qatar, qalada Furmanov, Abay, Hmel'nickiy köşelerin üñgileu jäne birneşe jolayrıqtarın salu jwmıstarı odan äri jalğasadı. Abay dañğılı boyındağı Esentay özeni arqılı ötetin köpirde kürdeli jöndeu jwmıstarı jürude, onıñ soltüstik böligindegi kölik qozğalısı 1 qırküyekte, al oñtüstigindegi kölik qozğalısı 1 qazanda aşılatın boladı.

Ayta keteyik, soñğı kezde Almatı qalasındağı jöl jöndeu jwmıstarına baylanıstı qala äkimine aytılar sın köbeygen. Twrğındardıñ sözinşe, qalada jaña bordyurler qayta auıstırılğan jäne keybir tar köşeler odan sayın tarıla tüsken. Bwdan qırküyek ayında studentter men oquşılar köbeygen şaqta keptelis tipti arta tüsui mümkin.

“The Qazaq Times”