الماتىدا ماگيسترالدى كوشەلەردەگى جول جوندەۋ جۇمىستارى اياقتالدى

الماتىدا ماگيسترالدى كوشەلەردەگى جول جوندەۋ جۇمىستارى اياقتالدى. جوسپارلانعان 151 شاقىرىم جولدىڭ بارلىعىنا ورتاشا جوندەۋ جۇمىستارى جۇرگىزىلگەن، دەپ حابارلادى قالا اكىمدىگىنىڭ ءباسپاسوز قىزمەتى.

اكىمدىكتىڭ مالىمەتىنشە، شەۆچەنكو جانە كوناەۆ كوشەلەرىندە كولىك قوزعالىسى اشىلدى، بۇلارداعى رەلستەر الىنىپ تاستالدى، ارىق لوتوكتارى توسەلۋدە، تروتۋارلار، وربيتا ىشقام اۋدانىنان كوكبازارعا دەيىنگى ۆەلودالىزدىڭ ءبىر بولىگى بولىپ تابىلاتىن ۆەلوجولدار اباتتاندىرىلۋدا.

كۇردەلى جوندەۋ جۇمىستارى جۇرگەن بايتۇرسىنوۆ كوشەسى بويىمەن تيميريازەۆ كوشەسىنەن اباي داڭعىلىنا دەيىنگى جولدار اۋماعى دا جوندەلىپ، مۇندا دا كولىك قوزعالىسى اشىلعان. جاندوسوۆ كوشەسىنىڭ ۇزىندىعى 2,8 شاقىرىم بولاتىن ۋچاسكەسىندەگى كۇردەلى جوندەۋ جۇمىستارى دا اياقتالىپ قالدى. قازىرگى كەزدە مۇندا قوزعالىس بولىگى ، تروتۋارلار مەن ۆەلوجولدار اباتتاندىرىلۋدا.

اسقاروۆ كوشەسىنەن ءال-فارابي داڭعىلىنىڭ باتىس بولىگىندەگى ۇزىندىعى 3,5 شاقىرىم بولاتىن سۋ جۇيەلەرىن قايتا جاسالۋدا.

سونىمەن قاتار، قالادا فۋرمانوۆ، اباي، حمەلنيتسكي كوشەلەرىن ۇڭگىلەۋ جانە بىرنەشە جولايرىقتارىن سالۋ جۇمىستارى ودان ءارى جالعاسادى. اباي داڭعىلى بويىنداعى ەسەنتاي وزەنى ارقىلى وتەتىن كوپىردە كۇردەلى جوندەۋ جۇمىستارى جۇرۋدە، ونىڭ سولتۇستىك بولىگىندەگى كولىك قوزعالىسى 1 قىركۇيەكتە، ال وڭتۇستىگىندەگى كولىك قوزعالىسى 1 قازاندا اشىلاتىن بولادى.

ايتا كەتەيىك، سوڭعى كەزدە الماتى قالاسىنداعى ءجول جوندەۋ جۇمىستارىنا بايلانىستى قالا اكىمىنە ايتىلار سىن كوبەيگەن. تۇرعىنداردىڭ سوزىنشە، قالادا جاڭا بورديۋرلەر قايتا اۋىستىرىلعان جانە كەيبىر تار كوشەلەر ودان سايىن تارىلا تۇسكەن. بۇدان قىركۇيەك ايىندا ستۋدەنتتەر مەن وقۋشىلار كوبەيگەن شاقتا كەپتەلىس ءتىپتى ارتا ءتۇسۋى مۇمكىن.

“The Qazaq Times”