Foto: cnn.com

Ispaniya biligi ötken aptada 13 adamnıñ qazasına sebepker bolğan terraktini jasağan jük köliginiñ jürgizuşisin qolğa tüsiru barısında, küdiktiniñ policiya qızmetkerleriniñ qolınan ölgenin jariyaladı. Bwl turalı CNN aqparattıq agenttigi jazdı. 

Younes Abouyaaqoub esimdi marrokalıq azamat Ispaniyanıñ batısında ornalasqan şağın eldimekenderdiñ birinde közge tüsken. Ol turalı policiyağa habarlağan äyel aptap ıstıqta wzın jeñdi, qalıñ kiimde jürgen belgisiz azamat birden küdik tudırğanın aytadı. Policiya kelgen kezde onıñ belinde jarılğış zattardan jasalğan belbeu bolğan jäne ol pışaqpen qarulanğan. Policiya atqan oqtan jaralanğan küdiktiniñ belindegi jarılğış zattı şeşip, qauipsizdik ornatu üşin onıñ janına arnayı robot jiberilgen.

Ötken aptada qalıñ halıqtıñ arasına qasaqana bağıttalğan köliktiñ saldarınan 13 adam qaza tapqan qayğılı küni Younes Abouyaaqoub oqiğa ornınan birden izin suıtqan. Jolay basqa kölik jürgizuşisin öltirip, onıñ mülkin alıp, belgisiz bağıtta jasırınğan.

Kataloniyanıñ İşki ister ministri Hoakim Forn jergilikti radioğa bergen swhbatında: "Barlıq derekter marokkalıq azamattıñ kinäli ekendigin körsetedi", -  dep mälimdedi. Kataloniyanıñ policiya qızmeti Younes Abouyaaqoub -tıñ Ispaniyadağı terraktilerge qatısı bar degen 12 küdiktiniñ qatarında bolğanın aytadı. Olardıñ mälimetinşe, qazir 12 azamattıñ 4-eui qolğa tüsip, 8-i öltirilgen.

“The Qazaq Times”