QHR pasportı. Foto: RFA.

Azattıq Aziya Radiosı Qıtay tili böliminiñ 18 tamızdağı habarında, Şınjañdağı Altay aymağında tağı bir azamattıñ jeke pasportın jergilikti bilik alıp alğanı turalı aytıldı. Sonımen birge, atalğan aymaqta 2008 jılğı Beyjiñ olimpiadasınıñ qola jüldegeri Qanat Islam turalı aytuğa tiım saldı dep jazdı. Onıñ sebebin "Qanat aymaqtağı qazaqtardı Qazaqstanğa qonıs audaruğa ügitteydi" dep körsetken. Azattıq Aziya Radiosı jergilikti bilikti ondağı etnikalıq qazaqtardıñ Qazaqstanğa qonıs audaruına tosqauıl jasap otır dep ayıptaydı.

Osı habardıñ jalğasında, Altay Qaba audanında eki mwsılman azamatınıñ meşitte dwğa etkeni üşin wstalğanın, äri jasırın türde bes jılğa sottalğanı turalı aytıladı. Jergilikti ükimet barınşa twrğındardıñ qonıs audaruın şekteu şaraların atqarıp otırğanın aytadı.

Atalğan radio tilşisine jergilikti qazaq azamatı jauap berip:  «Aymaqta qazaqtardıñ pasporttarın jinap alu qayta jandandı. Qonıs audarğısı keletin bir otbasındağı äyeliniñ pasportın alıp aldı. Ol birneşe ret pasportın qaytaru turalı ötingen. Soñında, Altay aymaqtıq qoğam qauipsizdik organı jağınan 15 kündik sayasi üyrenuge äketildi», – degen.

Al, Azattıq Aziyanıñ wyğır tilindegi böliminde AQŞ-tıñ «2016 jılğı din erkindigi mälimdemesi» turalı habarlağan. AQŞ memlekettik hatşısı Reks Tillerson 16 tamızda jasağan mälimeti boyınşa, Qıtay ükimetiniñ eldegi azamattardıñ dini nanım-senim qwqığına qol swğıp otır dep ayıptadı. 2016 jıldan beri Qıtay biliginiñ wlttardıñ nanım-senim bostandığına orasan zor deñgeyde qol swqqanı turalı ayttı. Äsirese, Şınjañdağı jağdaydı ekstremizmge qarsı küres äreketin, ondağı wlttardıñ dini senimderin bwzuğa paydalandı delingen.

Qıtay jaq Tillersonnıñ mälimdemesin, bir eldiñ işki isine aralasuşılıq dep sınğa alğan.

“The Qazaq Times”