Zauıtta jwmıs istep jatqan robottar. Foto: 24.kz

Atırau oblısında iri öndiris ortalıqtarı qondırğıların kezeñ-kezeñmen avtomattandıruğa köşti. Industriyalıq karta ayasında jañadan aşılğan zauıtta jwmıstıñ köbin robot tehnikalar atqaradı. Al mamandar önim sapası men jalpı jwmıs barısın ğana qadağalap otıradı, dep habarlaydı 24.kz. 

Telearnanıñ mälimetinşe, käsiporınnıñ dänekerleu cehında 12 robot qondırğı jwmıs istep twr.

"Üş-tört adamnıñ eñbegin atqara aladı. Artıqşılığı – qauipsizdigi. Öytkeni dänekerleuşi operator mwnı alıstan basqara aladı, eşqanday tütin nemese basqa da şaşıraytın ottardan alıs twradı. Tağı bir artıqşılığı – sapası. Bwl dänekerleu robotınıñ togı ülken jäne temir balqığan kezde öte tereñ balqıtıp, sapasın joğarı aladı", deydi önim sapasın baqılau injener Erlan Mayakin

Qazirgi kezde jaña zauıtta jetpiske juıq adam eñbek etedi. Mamannıñ barlığı şetelderde biliktilikterin arttırğan jergilikti twrğındar eken.

"Jüz payız dänekerleu jwmıstarınıñ işinde 60 payızın osı robottandırılğan dänekerleu maşinaları ötkizip jatır. Bolaşaqtağı josparımız – körsetkişti 80 payızğa deyin köteru. Zauıt tek iri kompaniyalarğa ğana emes, jeke twrğındarğa da qızmet körsetedi", - deydi dänekerleu cehınıñ basşısı Älibek Mwrat.

Ayta keteyik, iri käsiporındarda robottardıñ jwmıs istey bastauı biznes ökilderine tiimdi boluı mümkin. Öytkeni eñbekaqı töleu şığını azayadı. Alayda bwl eñbek küşine keri äser etedi. Jwmıssızdar sanı artıp, ekonomikalıq belsendi halıqtıñ tabısı azayadı.

“The Qazaq Times”