Foto: https://tengrinews.kz

Jayıq özenindegi balıqtar jappay qırılıp jatır. Bwl turalı QR Atırau oblıstıq Öñirlik kommunikaciyalar qızmeti mälimdedi.

Qazirgi künniñ özinde Jayıq jağasına 121,7 tonna öli balıq jinalğan. Onıñ işinde 103 tonna bekire zauıttarınıñ balıqtarı. 100 tonnağa juıq öli balıq örteu arqılı joyıldı. Al ötken aptada senbilik kezinde 52 tonna qoqıs, 4,3 tonna öli balıq tabıldı.

2018 jıldıñ 10 jeltoqsanınan beri «Qazgidromet» RMM Jayıq özenindegi su jağdayına monitoring jürgizip keledi. Zerthanalıq sınamalar lastanudıñ joğarı jäne öte joğarı deñgeyin körsetpegen. Alayda, sudağı balıqtardıñ jappay qırıluı iri ekologiyalıq mäsele sanaladı. Osığan qatıstı 15 naurızda aqparat jäne qoğamdıq damu ministri Däuren Abaev «Jayıq özenindegi balıqtıñ jappay qırıluı boyınşa tört kompaniyanıñ küdikke ilingenin» habarlağan bolatın. Osı is boyınşa Atıraudağı auıl şaruaşılığı ministrliginiñ su şaruaşılığı komitetiniñ törağası Islam Äbişevtiñ qızmetten şettetildi.

Atırau oblıstıq policiya departamentiniñ mälimetinşe, osı oqiğa boyınşa «Sudı lastau, qoqıstau nemese sarqu» (328-bap) jäne «Böten bireudiñ mülkin abaysızda joyu nemese büldiru» (204-bap, 2-bölim) baptarı boyınşa eki qılmıstıq is qozğalğan.

Ayta keter bolsaq, qırılğan balıqtardıñ basım böligi (102,862 tonna) jasandı türde ösirilgen. Jayıqtağı balıq qorınıñ tabiği populyaciyasına jinalıp alınğan jalpı salmağı 11,3 tonna çastik twqımdas balıqtar jatadı. Qazirgi uaqıtta Atırau oblıstıq äkimdigi Jayıq özenine ğılımi zertteu jürgizuge 80 million teñge böldi.

 "The Qazaq Times"