اتىراۋ وبلىسىنىڭ ءوندىرىس ورتالىقتارىندا روبوتتار جۇمىس ىستەي باستاعان

اتىراۋ وبلىسىندا ءىرى ءوندىرىس ورتالىقتارى قوندىرعىلارىن كەزەڭ-كەزەڭمەن اۆتوماتتاندىرۋعا كوشتى. يندۋستريالىق كارتا اياسىندا جاڭادان اشىلعان زاۋىتتا جۇمىستىڭ كوبىن روبوت تەحنيكالار اتقارادى. ال ماماندار ءونىم ساپاسى مەن جالپى جۇمىس بارىسىن عانا قاداعالاپ وتىرادى، دەپ حابارلايدى 24.kz. 

تەلەارنانىڭ مالىمەتىنشە، كاسىپورىننىڭ دانەكەرلەۋ تسەحىندا 12 روبوت قوندىرعى جۇمىس ىستەپ تۇر.

ء"ۇش-ءتورت ادامنىڭ ەڭبەگىن اتقارا الادى. ارتىقشىلىعى – قاۋىپسىزدىگى. ويتكەنى دانەكەرلەۋشى وپەراتور مۇنى الىستان باسقارا الادى، ەشقانداي ءتۇتىن نەمەسە باسقا دا شاشىرايتىن وتتاردان الىس تۇرادى. تاعى ءبىر ارتىقشىلىعى – ساپاسى. بۇل دانەكەرلەۋ روبوتىنىڭ توگى ۇلكەن جانە تەمىر بالقىعان كەزدە وتە تەرەڭ بالقىتىپ، ساپاسىن جوعارى الادى", دەيدى ءونىم ساپاسىن باقىلاۋ ينجەنەر ەرلان ماياكين

قازىرگى كەزدە جاڭا زاۋىتتا جەتپىسكە جۋىق ادام ەڭبەك ەتەدى. ماماننىڭ بارلىعى شەتەلدەردە بىلىكتىلىكتەرىن ارتتىرعان جەرگىلىكتى تۇرعىندار ەكەن.

ء"جۇز پايىز دانەكەرلەۋ جۇمىستارىنىڭ ىشىندە 60 پايىزىن وسى روبوتتاندىرىلعان دانەكەرلەۋ ماشينالارى وتكىزىپ جاتىر. بولاشاقتاعى جوسپارىمىز – كورسەتكىشتى 80 پايىزعا دەيىن كوتەرۋ. زاۋىت تەك ءىرى كومپانيالارعا عانا ەمەس، جەكە تۇرعىندارعا دا قىزمەت كورسەتەدى", - دەيدى دانەكەرلەۋ تسەحىنىڭ باسشىسى الىبەك مۇرات.

ايتا كەتەيىك، ءىرى كاسىپورىنداردا روبوتتاردىڭ جۇمىس ىستەي باستاۋى بيزنەس وكىلدەرىنە ءتيىمدى بولۋى مۇمكىن. ويتكەنى ەڭبەكاقى تولەۋ شىعىنى ازايادى. الايدا بۇل ەڭبەك كۇشىنە كەرى اسەر ەتەدى. جۇمىسسىزدار سانى ارتىپ، ەكونوميكالىق بەلسەندى حالىقتىڭ تابىسى ازايادى.

“The Qazaq Times”