Jer dauı bolıp jatqan Köptoğay auılı. Foto: azh.kz/

Atırau oblısı men Reseydiñ Astrahan oblıstarınıñ şekarasında jer dauı bolıp jatır. Atırau oblısınıñ Öñirlik kommunikaciyalar qızmeti taratqan aqparatqa qarağanda, 14 säuirde Qwrmanğazı audanınıñ Köptoğay auılında Qazaqstan men Resey şekarasında jaña şekaralıq qorşau salu jwmıstarı bastalğan. Köptoğay auılınıñ twrğandarı bwğan narazı.⠀

"Qazirgi uaqıtta 2005 jılğı 18 qañtarda Mäskeude qol qoyılğan “Qazaqstan-Resey memlekettik şekarası turalı kelisimi” boyınşa eki el arasında şekara beldeui ornatılıp jatır. Al demarkaciyalıq jwmıstarı äli ayaqtalğan joq. Şekara aumağında jaña qorşaular twrğızu jwmıstarın "2016" äskeri bölimi jürgizip jatır" delingen Atırau oblısınıñ Öñirlik kommunikaciyalar qızmeti taratqan resmi habarlamada.

Qazaq Times Qwrmanğazı audanınıñ äkimi Marat Mwrzievke habarlastı, alayda ol swraqtarğa tek resmi jauap beretinin aytıp, jer dauına qatıstı barlıq aqparat äkimdikke qarastı Facebook paraqşasında jariyalanğanın jetkizdi.

Qwrmanğazı audanı äkimdiginiñ Facebook paraqşasında keşe jariyalanğan habarlamadı äkim şekaralıq qorşau jwmıstarı bwrın bastaluı tiis ekenin, biraq ärtürli sebeptermen jürgizilmey kelgenin aytqan.

"Tek biılğı jıldıñ 14 säuirinde şekaraşılar qwrılıs jwmıstarına kiristi. Şekara qorşauı jwmıstarı jürgizilmes bwrın, 13 säuirde äkimdik, şekara qızmeti men qwqıq qorğau organdarınıñ ökilderi Köptoğay auılınıñ twrğındarımen kezdesip, jwmıstardıñ zañdılığı turalı tüsindiru jwmıstarın jürgizgen bolatın. Sonday-aq şekara qızmeti men qwqıq qorğau organdarı da jasalıp jatqan jwmıstardıñ zañdılığın tüsindirdi" depti Qwrmanğazı audanınıñ äkimi Marat Mwrziev.

Bwğan qosa, äkimdik taratqan habarlamasında Qazaqstan şekara qızımetiniñ tüsindirmesi de bar.

"2013 jıldıñ mamır ayında ornatılğan №23 jäne №24 şekaralıq belgiler arasındağı metall qorşaular Resey aumağına qaray 10-70 metrge aralıqta ornalasqan"  delingen äkimdik taratqan Qazaqstan şekara qızımetiniñ tüsindirmesinde.

Äkimdik mälimetinşe, Resey aumağında ornalasqan wzındığı 1800 metr qorşaulardı twrğızu üşin injenerlik jwmıstardı Köptoğay auılında jürgiziledi.

"The Qazaq Times"