Üyden tamaqtanbaytın Atırau äkimi: Mıñ şaqtı dükenniñ «36-sında bağa arzan»

Atırau oblısınıñ äkimi Mahambet Dosmwhambetov üyden tamaqtanbaytının jäne özi basqaratın aymaqtıñ halqı azıq-tülikke qanşa qarajat jwmsaytının bilmeytinin ayttı.

Jwma küni, 18 mausım OrtKom alañında halıq aldında esep bergen  Atırau oblısınıñ äkimi Mahambet Dosmwhambetov biıl auıl şaruaşılığı önimin öndiruşilerdi  qoldauğa 3,1 mlrd teñge bölingenin mälimdedi.  Äleumettik mañızı bar azıq-tülik tauarlarınıñ bağasın twraqtandıru jwmısı jalğasıp jatırmız degenimen, öñirde  kündelikti qoldanılatın qarapayım kartop-säbizdiñ bağası aspandap twr. Bayandamada bäri «jaqsarıp keledi» dese de, is jüzinde özgerissiz. Bir ğana Atırau qalasınıñ özinde azıq-tülik satatın 90 irili-ülken supermarket pen mıñ şaqtı orta-şağın düken bar. Al  oblıs äkimi Mahambet Dosmwhambetovtiñ aytuınşa, 36 sauda nüktesinde äleumettik mañızdı azıq-tülik tauarlarınıñ 14 türi narıqtan 10-15% tömen bağamen satılıp jatqan körinedi.

QT: Atıraudağı 36 dükennen bölek jüzdegen sauda ornı bar. Qarapayım atıraulıq otbası ayına ortaşa eseppen azıq-tülikke qanşa qarajat jwmsaydı?

Atırau oblısınıñ äkimi: Keşirim ötinem, osınday swraqqa meniñ naqtı jauabım joq äzirge. Dayın emespin. Qarsılığıñız bolmasa, men sizge anıqtap, jauabımdı jetkizeyin.

OKQ moderatorı: Tilşi, jalpı bwl swraqqa äkimniñ baspasöz hatşısı brifingten keyin tolıq jauaptı joldaydı, sizben baylanısadı.

QT: Siz de Atırau oblısınıñ twrğınısız. Sizdiñ otbasıñız aylıq eseppen azıq-tülikke qanşa qarjı jwmsaydı? Endi bwl belgili derek bolar?..

Atırau oblısınıñ äkimi: Endi... şının aytqanda, men Atıraudıñ twrğınımın, dwrıs. Biraq balalarım ösip, olar qazir elordada, nemerelerim de osında. Kelinşegim birde balalarmen, keyde meniñ qasımda boladı. Men köbinde üyden tamaqtanbaymın. Sondıqtan meniñ şığınımmen basqa atıraulıqtardıñ şığının şığaruğa bolmaydı. Jeke şığın otbasılıq kölemde mısal bola almaydı.

Redakciya tildesken atıraulıq Jaynat Sadırqoja jazğıtwrım qımbatşılıq aytarlıqtay bayqalğanın, twrmıstıq şığını ülğayğanın aytadı. Jeti adamnan twratın otbası azıq-tülik pen et önimderin qosa alğanda ayına 100-120 mıñ teñgege deyin jwmsauğa mäjbür. 18 mausımdağı jağday boyınşa, qaladağı bölşek saudada kartop 330-370, säbiz 450-500 jäne jua (piyaz) 250 teñge şamasında saudalanıp jatır.

«Öñirde 1 mlrd 100 mln teñgeniñ üstinde tauarlıq-qarjılıq twraqtandıru qorı qalıptastı. Osınıñ şeñberinde 755 mln teñge mölşerinde aynalım qorı qwrılıp, öñirdegi «Ideal» iri sauda jelisimen kelisim jasaldı. Sonıñ arqasında atalğan jeliniñ 36 sauda nüktesinde äleumettik mañızı bar azıq-tülik tauarlarınıñ 14 türi narıqtan 10-15%-ğa tömen bağada satıluda», – dedi Dosmwhambetov bayandamasınan bas almay oqıp berip.

Oblıs basşısınıñ bayandauınşa, äleumettik mañızı bar azıq-tülik tauarlarınıñ bağasın twraqtı wstau üşin käsipkerlermen, tauar öndiruşilermen jäne iri sauda orındarımen 200-den astam kelisim jasaldı.

661 mıñ twrğını bar öñirde azıq-tülik qana emes, twtınu tauarları men kommunaldıq qızmet tölemderiniñ tarifteri de eleuli deñgeyde artqan.

"The Qazaq Times"