Foto: Sputnik

Auğanıstanda Täuelsizdik merekesi kezinde qauipsizdik küşeytildi. Bwl turalı Kabuldağı policiya qızmetiniñ baspasöz hatşısı Abdul Basir Muhjahid APF aqparattıq agenttigine bergen swhbatı kezinde habarladı.

Auğanıstan soğıs jağdayında boluına baylanıstı birneşe jıldan beri Täuelsizdik künine oray kölemdi şaralar men jalpıhalıqtıq toylau wyımdastırılmaydı. Degenmen Auğanıstan Prezidenti öziniñ jwmıs kabinetinde birqatar resmi twlğalardı qabıldaydı jäne bügin keşke Said esimdi auğandıq änşi jeke än keşin beredi.

El astanası Kabulda policiya qızmeti ädettegiden erekşe küşeytilip otır. Bwl soñğı kezderi Auğanıstanda jiilegen jarılıstarmen baylanıstı. Talibandıqtardıñ küş ala bastauı, Auğanıstan äskeriniñ AQŞ-tıñ toqtausız qoldauına qaramastan, terroristerdi äli künge jeñe almağandığı jergilikti halıqtıñ tözimin tauısıp, senimin älsirete bastadı.

Auğanıstandağı birneşe jıldan beri toqtausız jürip kele jatqan soğıstar jergilikti halıqtı Täuelsizdik merekesin toylauğa degen qwlşınısınan ayırğan. Auğanıstandıq bir azamat öziniñ Facebook parpaqşasında: "Biz terrorizmmen soğısıp jatırmız jäne jeñistiñ jaqındağanı bayqalmaydı. Mwnday jağdayda qalay Täuelsizdik künin toylauğa boladı?", - dep jazdı.

“The Qazaq Times”