Foto: Gazeta

AQŞ-tıñ memlekettik hatşısı Reks Tillerson 2016 jıl üşin din erkindigi boyınşa bayandama jasadı. Atalğan qwjatta Amerikanıñ jaqın odaqtası Saud Arabiyası men Bahreynde din erkindigi şektelip, azşılıq toptarğa qarsı genocid jasalğan delingen. Bwl turalı Reuters aqparattıq agenttigi jazdı. 

Reks Tillerson Saud Arabiyasındağı terrorizmge qarsı küres turalı zañ şiit mwsılmandarına diskriminaciya jasauğa jäne ateister men memlekettiñ dini wstanımdarına qarsı kelgen azamattardı jazalauğa qoldanılğanın jetkizdi.

Memlekettik hatşı Parsı şığanağındağı şiit mwsılmandarınıñ qwqıqtarın şektep otırğan tağı bir memleket retinde Bahreyndi atadı. Din erkindigine qauip tönip otırğan elderdiñ sanatına Päkistan da kirdi.

Türkiyanıñ jağdayına erekşe toqtalğan Reks Tillerson, terroristik wyımmen baylanısı bar degen ayıppen köp adamnıñ jauapkerşilikke tartılğanın atap ötti.

Qıtaydağı tibet buddisteri men jergilikti mwsılmandardı dini senimderi üşin abaqtığa jauıp, qwlşılıq orındarın saluğa rwqsat etpey otırğanına narazılıq bildirgen memlekettik hatşı AQŞ Prezidenti Donal'd Tramptıñ bosqındardı qabıldamau, elden şığaru turalı şeşimi men Arab memleketteri azamattarınıñ memleketke kirgizbeu turalı bastamaları jöninde jaq aşpadı.

“The Qazaq Times”