Foto: friends.kz

Almatı qalasın abattandıruğa 593,4 mln teñge jwmsaladı. Arıq jelilerin jaqsartuğa basa nazar audarılıp, 5,9 km arıq jelisi men jauındı kanalizaciya qwrılısına 243,8 mln teñge qarastırılğan. Bwl turalı qala äkimdiginiñ baspasöz qızmeti habarladı.

Sonday-aq, «AJK» AQ sırtqı jarıq közderin qamtamasız etuge 100 mln teñge bölinedi. Qalanıñ magistral'di köşelerindegi 5 jer astı ötpeli joldar jöndeledi.

Äkimdiktiñ mälimetinşe, biıl byudjetti naqtılau barısında 43,2 mıñ jaña jwmıs ornın qwru qarastırılğan.

Jalpı, Almatı äkimdigi qala twrğındarı men qonaqtarı üşin jaylılıq jwmıstarın odan äri jalğastıradı. Biıl jol ayrıqtarın, qwrılıs nısandarın, Universiada ob'ektilerin, äleumettik nısandardı salu men aşu şaraların oñtaylandıru, türi qwrılıs jwmıstarına memlekettik-jekemenşik äriptestikti (MJÄ) keñinen tartu, memlekettik satıp alu şaraların ünemdeu barısında tüsken qarjı qala ekonomikasın arttıruğa jwmsaldı.

"Qalada twrğındar üşin barlıq jağdaylar jasaluda,parkter men skverler abattandırıluda, jayau jürginşi jäne velojoldar jasalıp, qorşaular alınuda, qoğamdıq keñistik keñeyude", - delingen baspasöz habarlamasında.

Sonday-aq, 146 km jol jöndeledi, 97 mıñ şarşı metr trotuar abattandırıladı, wzındığı 15 km jol jäne 57 köşedegi 42 km arıq jelisi qayta jasaladı, 32 km jılu jüyesi jañğırtıladı. 20 mıñ üyge 380 km su qwbırı men käriz jelisi tartıluda, Furmanov, Abay köşeleri üñgilenip, üş jol ayrığınıñ qwrılısı men jaña audandadağı joldar jasaluda.

2015 jılğı sel zardaptarın joyu üşin Qarğalı özeniniñ arnası qayta jasaldı, jağalaular mıqtı bekitildi,audan twrındarı üşin jaña demalıs orındarı aşıldı.

Tamız ayınıñ soñına deyin memlekettik tabıstar basqarmasınıñ, sot, prokuratura, Qazpoşta,bank, zeynetaqı töleu ortalığı, täuligine mıñ adamğa qızmet körsetetin HQKO-nıñ ğimaratı paydalanuğa beriledi. «Nwrlı Jer» bağdarlaması boyınşa 1,5 mıñ päterli 21 twrğın üydiñ qwrılısı bastaladı. Biılğı jıldıñ qırküyek ayında 4967 twrğın üy paydalanuğa beriledi.

Desek te, bwl abattandıru qala twrğındarınıñ aşuına tiip jatqanı ötirik emes. Bar isti birden bastağan äkimdiktiñ bwl äreketi qala köşelerindegi keptelisten bastap, keybir jol kölik oqiğalarına sebep bolıp otırğanı belgili. Bwdan bölek, universitetter, mektepter, balabaqşa janındağı qorşaulardı alıp tastau saldarınan qala mañındağı qauipsizdik şaraları eskerilmey qalğanday.

 “The Qazaq Times”