Foto: Pravda.ru

Pentagondağı birqatar basqaruşı poziciyalardıñ bos twruı qorğanıs salasında önim şığarumen aynalısatın kompaniyalardıñ jwmısın tejep otır. Bwl turalı olar jıl sayınğı äskeri kompaniyalardıñ  basqosuında mälimdedi. Atalğan aqparat Reuters aqparattıq agenttigi saytında jariyalandı.

Äskeri kompaniya basşıları öz pikirinde AQŞ Prezidenti Donal'd Tramptı tikeley ayıptamasa da, Pentagondağı basşılıq qızmet orındarına jaña jwmıskerler tağayındau procesiniñ wzaqqa sozıluı qorğanıs salasındağı käsiporındardı jaña kelisimşarttar men keler jılğı narıqtı boljaudan qaldırıp otırğanın jetkizdi.

Qorğanıs ministrliginiñ mälimetinşe, qazir Pentagonda äskeri-teñiz flotı ministriniñ orınbasarı, bas hatşı, bas inspektor sındı 42 qızmet ornı bos twr. Olardıñ 13-ne kandidattar bar, qalğan 23 orınğa talasıp otırğan azamattar joq. Bwl qızmetterge layıqtı adamdardı Senat bekitedi.

Aq üydiñ resmi ökili: "Senattıñ berilgen kandidattardı uaqıtılı bekituine demokrattardıñ qarsılığı kedergi boldı", - dep mälimdedi.

AQŞ-tıñ äskeri küşterine qaru-jaraq jetkizetin kompaniyalardıñ biri Senattıñ jwmısın bayau atqaruı qorğanıs tehnikaların öndiretin kompaniyalardı Ükimetpen jasalatın iri kelisimşarttardan ayırıp otırğanın aytadı.

“The Qazaq Times”