Resey Donbass aymağındağı äskeri küşin birgeşe esege köbeytui mümkin. Foto: Atlantic Council

Ukraina men Resey äskerleri negizinen Donbass aymağına qaray jinalıp twr. Äli de soğıstı toqtatu boyınşa kelisimniñ töbesi körinbeydi. Qos taraptıñ is-qimıldarına qaray otırıp köptegen sarapşılar men aqparat qwraldarı Donbass aymağında bolğalı jatqan soğıs qiyan-keski boladı dep boljauda.

Köptegen şeteldik ekspertter Donbasta bolğalı jatqan soğıs eki el ortasındağı jalpı qayşılıqtıñ bolaşağın şeşedi dep sanaydı. Bwl şayqas Resey-Ukraina soğısınıñ soñğı basqışı dep jatqandar da bar. Qazirge deyin osı aymaqtan 100 mıñ şamasındağı beybit twrğın birşama qauipsiz degen batıs aymaqtarğa qaray bosıp ketti. Reseyge ötkender de bar.

Reseydiñ auır qosını Ukrainanıñ şığısına bet alğanın Batıs aqparat qwraldarı jerserikterden tartılğan suretter arqılı da körsetip jatır. Ukraina da öz kezeginde qolında bar jäne Batıs elderi bergen qaru-jaraqtarın osı aymaqqa toptastırıp jatır, olardıñ qatarında qazirge deyin köpke tanıs bolğan tankige qarsı şağın zımırandardan tartıp äue qorğanıs jüyeleri de bar. Alayda, toptastırılğan äsker men äskeri tehnikanıñ sanı jağınan Resey men Ukrainanı tağı da salıstıruğa kelmeytindey.

Däl qazirgi kezdiñ özinde taraptar bir-biriniñ äskeri nısandarı közdep tınbay atısıp jatır. Biraq, sonıñ özinde Donbass üşin soğıs tolıqqandı bastalmadı. Aymaqta qos taraptan da 30-40 mıñnan äskerler bar, degenmen Resey öziniñ osı aymaqtağı küşin bwdan birneşe ese köbeytudi maqsat etip jatqanın Pentagon da aytqan. Qazirşe, Resey auqımdı aumaqtağı äskeri küşterin qayta jasaqtap ülgirmey jatqanın boljay alamız. Resey jağı äueden basımdıqqa ie boluğa küş salğanımen onıñ özin tolıq jüzege asıra almağanı anıq, soğıs dalasında tilşi attandıra alğan aqparat qwraldarınıñ dereginşe Ukrainanıñ äue qorğanıs jüyeleri, radarları jwmıs istep twr.

Resey Ukraina şığısına salmaqtı küşin salğısı kelip jatsap, Ukraina bwğan deyni de soğıs operaciyaların orındap kelgen eñ täjiribeli qosındarımen öziniñ qorğanıstağı jäne taktikalıq wyımdastırudağı artıqşılığın paydalanıp körmek. Qos taraptıñ osınday is-qimıldarı Donbass aymağı üşin bolatın kürestiñ bwrınğıdan älde qayda qiyan-keski bolatının körsetkendey.

The Qazaq Times