Birer kün bwrın AQŞ pen Ukraina ortasında joğarı deñgeyde kezdesu ötti. Kezdesu qos taraptıñ joğarı eñ joğarı lauazımdı ökilderiniñ qatısuımen ötti. Memlekettik hatşı Blinken bastap kelgen AQŞ delegaciyasınıñ qwramında Pentagonnıñ qazirgi jetekşisi Loyt Ostin de bar. Al, olardı qarsı alıp şıqqan prezident Zelenskiy men onıñ ükimetiniñ SİM jetekşisi jäne qorğanıs ministrleri boldı.
Däl osı kezdesude AQŞ joğarı lauazımdıları Reseyge qatıstı özderiniñ naqtı maqsattarın aşıq aytqanday boldı. Aytalıq, AQŞ qorğanıs ministri Ostin kezdesuden keyin Pol'şada jasağan mälimdemesinde: «Ukraina dwrıs qoldau körsetilse bolıp jatqan soğısta jeñip şığuına zor mümkindik bar», – dedi, äri: «Resey Ukrainağa basıp kirudey äreketti qaytalay almaytınday deñgeyde älsireuin ümit etemiz», – degen pikirin ayttı.
Birqatar iri aqparat qwraldarı jäne aqparat ökilderi Ostinniñ osı sözine köbirek män berdi. Bılayşa aytqanda bwl kezdesude AQŞ-tıñ Reseydi älsiretuge degen şaqıruı bwrınğıdan köri anıq estile bastadı. Bwl jöninde Pentagon basşısı: «Ukrainağa kömek beru – bwl bir bölek te, Reseydi älsiretu – mülde basqa mäsele», – dep körsetken. Onıñ bwl sözi Resey prezidenti Putinniñ şamına tiip, düysenbi küngi jauabında: «Batıs elderi Reseydi bölşekteuge äreket etip jatır», – dep ayıptadı.
AQŞ pen özge Batıs elder tarapınan jaqın arada 713 million AQŞ dolları köleminde äskeri kömek jasalğalı jatır. AQŞ tarabınan Ukrainağa jasalatın jaña äskeri kömektiñ kölemi 332 million dollardı qwaydı. Bwl somanı qossaq, Resey Ukrainağa basıp kirgennen beri AQŞ Kievti qoldap 3,7 milliard dollar köleminde qarjı şığardı.
Soñğı uaqıtta Ukraina prezidenti Zelenskiy Batıs elderinen wşaqtar men äskeri tasımal kölikteri köbirek beriletin bolsa Resey qarulı küşterin jeñip şığa alatındarın köbirek aytıp keledi. Qazirdiñ özinde AQŞ pen Kanada Ukraina qarulı küşterine 30 şaqırımğa, tipti 50 şaqırımdağı nısanağa däl soqqı jasaytın artilleriyalıq qwraldarın berip jatır. AQŞ pen özge Batıstıñ äskeri qoldauı küşeygen sayın Mäskeu oğan qarsı diplomatiyalıq nota da jolday bastadı.
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti