Foto: podrobnosti.ua

Qıtay Ükimeti küşi 6,5 balldı qwrağan jer silkinisiniñ qwrbandarın izdestiru şaraların tiimdi wyımdastıru üşin taulı öñirlerge arnayı tehnika men qwtqaruşılar jiberdi. Qazirdiñ özinde tabiği apat saldarınan 20 adam qaza tauıp, 100-ge juıq beybit twrğın jaralanğan degen mälimet bar. Bwl turalı APF aqparattıq agenttigi jazdı. 

Czyuçjaygou aymağı YUNESKO-nıñ qorına kirgen wlttıq park ornalasqan tabiğatı körkem jer. Negizinen tibetter twratın öñirge turister öte köp keledi. Jer silkinisi orın alğan kezde osında demaluğa kelgen 60 mıñğa juıq turister jaqın mañdağı qauipsiz auıldar men qalalarğa evakuaciyalanğan.

Qazir oqiğa ornında 500 medicina qızmetkeri alğaşqı medicinalıq kömek körsetip jatır. Jergilikti 1680 üy men 17 auıl ärtürli deñgeyde zardap şekken. Qazir twrğındarğa gumanitarlıq kömek körsetilip, olar qoğamdıq orındarğa ornalastırılıp jatır. Eldegi baylanıstı qalpına keltiru üşin 129 telekommunikaciyalıq bağandar qayta twrğızıldı.

Sarapşı mamandar biıl bolğan jer silkinisin 2008 jılı orın alğan 8 balldıq tabiği apatpen salıstırğanda, jeñil dep otır. Ol kezde Czyuçjaygou öñirinde  iz-tüzsiz joğalıp ketkender men qaza tapqandardıñ jalpı sanı  - 87 mıñ adamdı qwrağan  bolatın.

“The Qazaq Times”