قىتايدا جەر سىلكىنىسىنىڭ قۇرباندارىن ىزدەستىرۋ جۇمىستارى ءجۇرىپ جاتىر

قىتاي ۇكىمەتى كۇشى 6,5 باللدى قۇراعان جەر سىلكىنىسىنىڭ قۇرباندارىن ىزدەستىرۋ شارالارىن ءتيىمدى ۇيىمداستىرۋ ءۇشىن تاۋلى وڭىرلەرگە ارنايى تەحنيكا مەن قۇتقارۋشىلار جىبەردى. قازىردىڭ وزىندە تابيعي اپات سالدارىنان 20 ادام قازا تاۋىپ، 100-گە جۋىق بەيبىت تۇرعىن جارالانعان دەگەن مالىمەت بار. بۇل تۋرالى APF اقپاراتتىق اگەنتتىگى جازدى. 

تسزيۋچجايگوۋ ايماعى يۋنەسكو-نىڭ قورىنا كىرگەن ۇلتتىق پارك ورنالاسقان تابيعاتى كوركەم جەر. نەگىزىنەن تيبەتتەر تۇراتىن وڭىرگە تۋريستەر وتە كوپ كەلەدى. جەر سىلكىنىسى ورىن العان كەزدە وسىندا دەمالۋعا كەلگەن 60 مىڭعا جۋىق تۋريستەر جاقىن ماڭداعى قاۋىپسىز اۋىلدار مەن قالالارعا ەۆاكۋاتسيالانعان.

قازىر وقيعا ورنىندا 500 مەديتسينا قىزمەتكەرى العاشقى مەديتسينالىق كومەك كورسەتىپ جاتىر. جەرگىلىكتى 1680 ءۇي مەن 17 اۋىل ءارتۇرلى دەڭگەيدە زارداپ شەككەن. قازىر تۇرعىندارعا گۋمانيتارلىق كومەك كورسەتىلىپ، ولار قوعامدىق ورىندارعا ورنالاستىرىلىپ جاتىر. ەلدەگى بايلانىستى قالپىنا كەلتىرۋ ءۇشىن 129 تەلەكوممۋنيكاتسيالىق باعاندار قايتا تۇرعىزىلدى.

ساراپشى ماماندار بيىل بولعان جەر سىلكىنىسىن 2008 جىلى ورىن العان 8 باللدىق تابيعي اپاتپەن سالىستىرعاندا، جەڭىل دەپ وتىر. ول كەزدە تسزيۋچجايگوۋ وڭىرىندە  ىز-ءتۇزسىز جوعالىپ كەتكەندەر مەن قازا تاپقانداردىڭ جالپى سانى  - 87 مىڭ ادامدى قۇراعان  بولاتىن.

“The Qazaq Times”