Klimattıñ jıluı ekinşi mwzdıq däuirin tudıruı mümkin. Foto: Yahoo.

AQŞ prezidentiniñ 4 şildede resmi türde jariyalağan Parij kelisiminen şığu turalı şeşimi halıqaralıq wyımdardıñ, älem elderiniñ basşıları men oqımıstı, zertteuşileri jäne aqparat qwraldarınıñ küşti qarsılığına wşıradı. AQŞ-tıñ dünie jüzilik klimat özgeristeriniñ aldın alu turalı halıqaralıq kelisimenen bas tartuı anıq qate şeşim dep jazğırdı. Bwl turalı «Şinhua» agenttiginiñ resmi saytı habarlap otır.

Resey ükimetiniñ ökilderi Tramptıñ «Parij» kelisiminen bas tartuı, tarihi twrğıdan alıp qarağanda kezindegi Buş ükimetiniñ «Kioto kelisiminen» şeginip şıqqanımen birdey dep bağalap otır. Sonımen birge tarih sahnasındağı bir el retinde AQŞ-tıñ «Parij» kelisiminen bas tartuı «öreskel qatelik» dep sınğa aldı.

Qazirgi kezde, keybir Europa elderi «Parij kelisimin» maqwldap ülgerdi. Älemniñ özge köptegen elderi de kelisimin berdi. Aldağı uaqıtta Resey de bwl kelisimge qol qoymaq. Taraptardıñ aytuınşa, AQŞ kelisim bermese de, Jer şarınıñ amandığı üşin atalğan kelisim atqarıla beredi eken.

AQŞ-tıñ atalğan kelisimnen bas tartuınıñ sebebine taldau jasağan europalıq jäne reseylik sarapşılar: «AQŞ-tıñ maqsatı osı arqılı kelisimdegi keybir tarmaqtardı özgertu. Şığıp ketu arqılı, özgelerdiñ qolımen keybir tarmaqtarın özgertip, öz müddesine paydalı bolğan kezde qayta kirui mümkin», – dep qaraydı.

Ayta keteyäk, «Parij klimat kelisimi» sekildi asa mañızdı bolğan şeşimderdi qabıldap, adamzat mekeni bol,an Jer şarı klimatınıñ jılınuın aytarlıqtay tejemese, endi 70-80 jıl işinde Jer betindegi köptegen öñirler adam tirşiligine qolaysız klimattıq özgeristerge wşırağalı twr. Aytalıq, osı ğasırdıñ soñında Oñtüstik Aziya öñiri adam tirşilik ete almaytın aymaqqa aynaladı.

“The Qazaq Times”