Foto: APF

Ğalımdar:  "2100 jılğa qaray klimattıñ özgerui jalğasa berse, ekstoemaldı aua-rayınıñ äserinen  Europada jılına 152 mıñ  adamnıñ ölimi orın aluı mümkin", -  dep mälimdedi. "Bwl qazirgi adam şığınınan 50 ese köp", -  delingen The Lancet Planetary Health jurnalınıñ zertteulerinde. Bwl turalı BBC aqparattıq agenttigi jazdı. 

Jılu tolqındarı 99 payız ölimniñ sebebine aynalu ıqtimaldılığı joğarı. Degenmen zertteuşiler qorqınıştı boljamdar özgerui mümkin ekenin joqqa şığarmaydı. Eger kömirqışqıl gazınıñ kölemi azaymasa jäne öndiris orındarınıñ qorşağan ortanı lastau procesi jalğasın taba berse, zertteu wsınğan futuristikalıq derekter şındıqqa aynaluı mümkin.

Osıdan bwrın Europa komissiyasınıñ zertteu ortalığınıñ mälimetinde, "1981-2010 jıldar aralığındağı ekstremaldı aua-rayınan qaza tapqandardıñ sanı jılına 3 mıñ, 2071-2100 jıldarı 152 mıñdı qwraydı. Üş adamnıñ ekeui tabiğat apatınan köz jwmsa, jaña ğasır basında su tasqınınan jılına 6 adam, soñına qaray 233 azamat jan tapsıradı", - delingen.

Londondağı Tropikalıq medicina jäne gigiena mektebiniñ professorı Paul Vikinson berilgen derekterdiñ adamzattıñ äreketi bolaşaqta qanday saldarlarğa äkelui mümkin ekenin eskertedi dese, Seul Wlttıq universitetiniñ sarapşıları zertteu qorıtındıları "tım asıra bağalanğan" degen pikirde. Öytkeni adam balası kez kelgen  özgeriske beyimdele aladı. Sondıqtan klimattıñ özgerisin de biz jaqsı qabıldauımız mümkin.

“The Qazaq Times”