Foto: Getty Images

YouTube äleumettik jelisi  - aram piğıldı adamdardıñ balalarğa şabuıl jasap, olarğa tıyım salınğan kontent wsınatın tanımal alañdarınıñ biri. Osı mäseleni şeşip, YouTube qızmetin paydalanatın balalardı olarğa qarsı jasalatın ziyandı  äreketterden qorğau üşin, kompaniya Trusted Flaggers dep atalatın eriktiler tobın qwrğan. Atalğan servistiñ qızmetkerleri juırda BBC aqparattıq agenttigine bergen swhbatında, "YouTube Trusted Flaggers eriktileri jibergen şağımdardıñ eñ az böligin ğana qarap, qalğanın nazarğa almay otır", -  dep mälimdedi. 

Trusted Flaggers jelidegi küdikti kommentter men jazbalardı anıqtap, sol boyınşa esep dayındap otıratın servis türi. Onıñ balalar qwqığın qorğap, qauipsizdigin qamtamasız etu maqsatında jwmıs isteytini joğarıda aytıldı. Endi atalğan serviste eñbek etetin eriktilerdiñ aytuınşa, birneşe ay boyı kompaniyanıñ qarauın kütip jatqan şağımdardıñ sanında esep joq. Eriktilerdiñ biri  2016 jılı  jeke özi 9 mıñ bayandama jasağanın, biraq birde biri qaralmağanın jetkizdi.

Soñğı 60 künde sayttıñ erejelerin bwzadı jäne balalardıñ psihikasına keri äser etedi dep tanılğan 526 beynejazbanıñ tek 15-i ğana öşirilgen. "Bwl YouTube jelisiniñ balalar qauipsizdigine nemqwraylı qarap otırğanın körsetedi" , - deydi eriktiler tobı.

Trusted Flaggers qızmeti 2012 jılı qwrıldı jäne onıñ qwramına qwqıq qorğau qızmetkerlerinen bastap, qayırımdılıq qorlarına deyin kiredi.

“The Qazaq Times”