YouTube videohostingi gonkongtıq azamattıq qoğam poziciyasına qarsı 210 arnanı bwğattadı. Foto: Reuters

Ötken onkündikte äleumettik jelilerde QHR biliginiñ qoldauımen Gonkongtağı narazılarğa qarsı kelisilgen jımısqı aqparattıq nauqan jürgizilgen. Bwğan köz jetkizgen YouTube, Twitter jäne Facebook jelileri propagandalıq şabuıl ayla-şarğınıñ jolın kesu amaldarın qabıldap, jüye sayasatına özgerister engizude.

YouTube videohostingniñ sayt äkimşiligi Gonkongtağı ereuilşilerge «ıqpal etu äreketteriniñ nauqanı» bayqaladı degen küdikpen 210 arnanı bwğattadı. Reuters aqparat agenttigi operaciya tek YouTube-te ğana jürgizilmegen, osı aptada Twitter jäne Facebook äleumettik jelileriniñ ökilderi köptegen akkaunttardıñ bwğattalğandığı turalı habarlağanın aytadı. Äleumettik jelilerde bwl nauqandı Beyjiñ tapsırısımen iske asırılğan dep sanaydı.

YouTube qwramına kiretin Google qauipsizdik qızmeti basşılarınıñ biri Şeyn Hantli barlıq üş äleumettik jelilerdegi nauqandı «Qıtaymen baylanıstı» adamdar tobı ötkizgenin mälimdedi.

Düysenbide Tvitter men Facebook Gonkongtağı narazılıq akciyaların toqtatuğa bağıttalğan nauqanğa qatısqan akkaunttardıñ joyılatını turalı habarladı. Äleumettik jeliler ökilderiniñ aytuınşa, nauqan Qıtay biliginiñ qoldauımen ötkizildi.

Twitter, Facebook jäne YouTube Qıtayda bwğattalğan, biraq bwl şekteuler Gonkongqa qoldanılmaydı.

Birneşe kün bwrın äleumettik jeli paydalanuşıları qıtaylıq memlekettik telearnalar şığarğan jarnamalıq rolikterdiñ jappay taraluın bayqağan eken. Aktivti körsetilim qatarına ornalastırılğan barlıq beynerolikter Gonkongtağı narazılıqqa qarsı mände jasalğan.

Nätijesinde, düysenbide Tvitter basşılığı öziniñ jarnama sayasatındağı bastı özgerispen bölisti: äleumettik jelide bwdan bılay memlekettik BAQ-tıñ mediönimderi jariyalanbaytın boladı. Al Facebook jäne YouTube äli de jarnamalardı ornalastıru erejelerin özgertudi jayında mälimdeme jasay qoyğan joq.

YouTube qıtaylıq memlekettik BAQ-tarğa tiesili akkaunttardı baqılaudı qataytuğa uäde berdi Innovaciyalar turalı tolıq aqparat äzirge jariyalanğan joq. Endi YouTube-te Sin'hua memlekettik agenttigi, CCTV jäne CGTN telearnalarınıñ kez kelgen beyneönimi auditoriyağa  BAQ-tardı QHR ükimeti baqılaytındığı turalı eskertulermen birge jariyalaydı. Alayda, Qıtayğa qaraytın birqatar memlekettik basılımdar, sonıñ işinde People Daily, China Daily jäne Global Times bwl talaptan bosatılğan.

Biılğı jaz Gonkong üşin tarihtağı eñ auqımdı protestik mausım boldı. Foto: WALLACE / AFP

Esteriñizge sala keteyik, Beyjiñ keñsesiniñ «otpen oynamañdar, qaterli deñgeyge jettiñder» dep doq körsetuine, Gokong ükimetiniñ eskertui men policiya is-qimıldarına qaramastan narazılıqtardıñ üzdiksiz jürip jatqanına üş ayğa tayadı. Qarsılıq şaralarınıñ bastı uäji – «Twtqındardı Qıtayğa ekstradiciyalau turalı» zañ jobasın qabıldamau, şerulerde wstalğandardı bosatu, küş qoldanğan policiya qızmetkerlerin jazalanu men el basşısı Kerri Lamnıñ otstavkağa ketui talaptarı. Tipti, keybir demonstranttar Gonkong avtonomdı aymağınıñ 2047 jılı QHR qwramına tolıqtay ötuine qarsı, Beyjiñnen eldiñ Täuelsizdigin tanıp-moyındauın swrauda. Osı uaqıtqa deyin Wlıbritaniya, AQŞ, Tayvan t.b. memleketter narazılardıñ jağında ekenin mälimdegen edi. Tipti Kanada biligi öz qızmetkerlerine Qıtayğa sapar-sayahatqa barmauğa ündedi.

"The Qazaq Times"