Google Qıtaymen baylanısı bar 2500-den astam YouTube kanaldı öşirgenin mälimdedi, bwl platformadağı jalğan aqparattı tazartu üşin jasalğan.

Google bwl kanaldardı osı jıldıñ säuirinen mausımına deyingi aralıqta jpbılğanın jäne Qıtaymen baylanıstı ıqpal etu äreketterin ünemi baqılap otırğanın ayttı.

Mwnı Google aqparattıq-kommunikaciyalıq operaciyalar turalı toqsan sayınğı mälimdemesinde jariyaladı.otırğanın. Osı kanaldar sayasatqa qatıssız materialdar jariya etkendey körinedi, alayda sayasatqa tereñ äser etedi dep qaraydı.

Alayda, Google atalğan kanaldardıñ atın jariyalamadı jäne basqa mälimetterdi de wsınbadı, bwl şektelgen beyneler men Twitter-de şektelgen jazbalar säuir ayında Graphika äleumettik media-analitikalıq kompaniyasımen jürgizilgen dezinformaciya ärekettermen baylanıstırdı.

Al Beyjiñ tarabı jalğan aqparat taratu turalı ayıptaulardı joqqa şığarıp otır.

Şet elderden jariyalanğan jalğan aqparat AQŞ-tıñ sayasi jäne tehnologiyalıq ortalarında äseri ülken. AQŞ-tağı 2016 jılğı prezident saylauı kezinde Resey ükimetiniñ hakkerleri äleumettik jelilerge köptegen jalğan aqparat engizgen bolatın. Köptegen adamdar biılğı saylaudan alañdauda, sol sebepti Google men Facebook osınday jağdaylardı boldırmauğa tırısadı.

Sonımen birge, AQŞ pen Qıtay arasındağı tehnologiya men äleumettik şielenis äli de küşeye tüsude. 5 tamızda AQŞ memlekettik hatşısı Pompeo AQŞ-qa Qıtay ükimetiniñ ıqpalın küşeytpes üşin AQŞ-tıñ «Taza äleumettik jeli» bastamasın keñeytetinin mälimdedi.

Google-dıñ mälimdemesinde Iran men Resey elderine bağıttalğan şaralarda söz boldı.

"The Qazaq Times"