Foto: Yvision

Endi Qazaqstanda doping qoldanğan sportşılar qılmıstıq jauapqa tartıluı mümkin. Tipti sportşınıñ özi ğana emes, jattıqtıruşıdan bastap däriger, keñesşiler de zañ aldında jauap beredi. Bwl turalı 24 Habar arnası habarladı.  

Mwnday zañ jobasınıñ twjırımdaması Ädilet ministrliginde ötken vedomstvoaralıq komissiya otırısında talqılandı. Sonday-aq eger Halıqaralıq dopingke qarsı wyım qannan tıyım salınğan preparattı tapsa, sportşı wlttıq qwramnan şığarıladı. Oğan qosa alğan jüldesi men memleket bergen barlıq materialdıq sıyaqılarınan ayırıladı.

"Jüldemen oralğanı üşin memleketten alğan sıylıqtarınıñ barlığı qaytarıluı tiis. Özderiñiz biletindey, Olimpiada oyındarınan jeñispen oralğan sportşılarğa ükimet päter beredi. Zañ jobası boyınşa sol üylerdi on jılğa deyin memleket menşiginde qaldırmaqpız. Eger soñğı on jılda sportşınıñ jüldesi doping dauı boyınşa qaytarılsa, päterdi de, sıyaqını da memleket alıp qoyuğa qwqılı boladı", - sport jäne dene şınıqtıru isteri komiteti törağasınıñ orınbasarı Serik Jarasbaev.

Ayta keteyik, Qazaqstanda doping dauı 2016 jıldıñ mausım ayında bastalğan. Doping boyınşa tekseruden keyin qazaqstandıq auır atletterdiñ qan qwramınan tıyım salınğan preparattar tabılğan bolatın. Saldarınan Halıqaralıq Olimpiada komiteti Il'ya Ilinniñ Pekin jäne London olimpiadasındağı altın medal'darın jäne Mayya Maneza, Zul'fiya Çinşanlo men Svetlana Podobedovanıñ Londondağı altın medal'darın keri qaytarğan edi.

“The Qazaq Times”