Resey sportşıları halıqaralıq jarıstardan şettetilui mümkin. Foto: Rostrek

Älemdik Antidoping agenttigi Reseydi halıqaralıq sport jarıstarınan 4 jılğa şekteu turalı wsınıs bildirdi. Bwğan Mäskeudiñ antidoping laboratoriyasındağı mälimetterdi jasıru isi sebep bolğan.

Atalğan agenttiktiñ atqaru komitetiniñ jiını 9 jeltoqsan küni Parijde ötpek. Tanımal äri ıqpaldı basılım The New York Times bolsa, atqaru komiteti agenttiktiñ wyğarımın qabıl aluı mümkin ekenin jazğan. Agenttiktiñ wsınısında Resey sportşıların 4 jıl boyı halıqaralıq jarıstarğa qatısuına şekteu qoyu, tek «taza sportşılar» ğana qatısuına mümkindik beru, onıñ özinde Reseydiñ änwranı men tuın qoldanbau sındı wsınıstar da qarastırılğan.

Bwl älem çempionattarında jäne olimpiada oyındarında Reseydiñ tuı köterilmeydi degendi bildiredi. Sonımen qatar Reseyde ötkizu josparlanğan birqatar halıqaralıq jarıstar basqa elderge berilui mümkin. Aytalıq, futbol boyınşa Europa çempionatınıñ (2020 jılı) Resey qalalarında öteteni jarıstarı, Çempiondar ligasınıñ finalı (2021), Voleybol boyınşa älem çempionatı (2022), Universiada (2023), Hokkey boyınşa älem çempionatı (2023), «Formula-1» jäne özge de birqatar beldesuler basqa elderge berilui mümkin.

Bıltır ötken Olimpiada kezinde Resey sportşılarına öz memleketiniñ tuı aldında beldesuge şekteu qoyğan bolatın. Keybir zertteuler Resey sportşılarınıñ doping qoldanu salıstırması älemniñ aldınğı qatarında twradı dep körsetken.

“The Qazaq Times”