Foto: Tengrinews

Jekeşelendirudiñ ekinşi tolqını ayasında almatılıq "Qayrat" futbol klubınıñ 30 payız ülesi saudağa qoyıldı.

Sauda 2017 jıldıñ 18 tamızına belgilengen jäne bağanı köteru ädisi boyınşa ötkiziledi. Lottıñ alğaşqı bağası 2 mlrd teñgeden joğarı. Al saudağa qatısuşılar üşin kepildik jarnası 68 mln teñgeni qwraydı.

Elektrondı sauda alañında habarlanğanday, klubtıñ saudağa qoyılğan ülesi Almatı äkimdiginiñ appartatınıñ tiziminde bolğan.

Invest Capital kompaniyasınınıñ mälimetinşe, lottıñ smetalıq qwnı 2017 jıldıñ 20 şildesinde 2 mlrd teñgeden joğarı bolğan.

Klubtıñ qarjılıq esebi boyınşa, onıñ kirisi  2,3 mlrd teñgeni qwrağan, al şığın - 4,4 mlrd teñge. Sonday-aq, "Qayrattıñ" aktivteri 10,7 mlrd teñgege teñ bolğan, al mindettemeleri 5 mlrd teñgeni qwradı. ROA deñgeyi - 21,5 payız.

Almatı qalasınıñ barjı basqarmasınıñ mälimetinşe, klubtıñ 70 payız ülesi Globex Energy FZE kompaniyasına tiesili, al 30 payızı Almatı qalasınıñ dene şınıqtıru jäne sport basqarmasınıñ  esebinde twr.

Ayta keteyik, şilde ayında almatılıq klubtıñ futbolşıları Europa ligasınıñ ekinşi raundında albaniyalıq "Skenderbeu" klubınan jeñildi.

“The Qazaq Times”