Photo: Kapital.kz

Jekeşelendiru boyınşa "Qazaqstannıñ twrğın üy qwrılıs jinaq banki" AQ-nı  satu osı jıldıñ soñına josparlanıp otır.  Bwl turalı bügin "Bäyterek" wlttıq basqaruşı holdinginiñ basqarma törağasınıñ orınbasarı Ğalımjan Tädjiyaqov ükimet otırısı kezinde mälimdedi.

"Twrın üy qwrılıs jinaq bankin jekeşelendiru mäseleleri boyınşa kelesidey qadamdar jasaldı: 2017 jıldıñ mamırında investor izdeu jäne kelisimdi qoldau boyınşa qarjı keñesşilerimen kelisim jasaldı. Keñesşilerdiñ kömegimen 420 potencialdı investorğa  investiciyalıq wsınıstardı jetkizu boyınşa saual jiberildi.  Onıñ işinde 249-ı qızığuşılıq tanıtıp, nätijesinde 2017 jıldıñ ayağında 14 potencialdı investordan qwralğan pul anıqtaldı. Olardıñ işinde 7-ui halıqaralıq qarjı institutınıñ ökilderi", - dedi Tädjiyaqov.

Onıñ sözinşe, investorlar bankke keşendi saraptama jasau jwmıstarı bastalğan. "Bwl procesti 2018 jıldıñ şildesine deyin ayaqtaudı josparlap otırmız. Tamız-qırküyek ayındağı nätije boyınşa qızığuşılıq tanıtqan soñğı investorlardan naqtı wsınıs aluğa niettimiz", - deydi ol.

Twrğın üy qwrılıs jinaq banki 2003 jılı qwrılğan. Bank tömengi mölşerlememen ipotekalıq kredit beru jäne twrğın üyge qarajat jinau bağdarlamasın wsınadı. Banktiñ jalğız akcioneri - "Bäyterek" WBH. Banktiñ jekeşelendiriletini turalı eki jıl bwrın aytılğan.

Atalğan banktiñ jekeşelendirilui orındı da şığar. Alayda oğan qanday investor keletini, onıñ aldağı uaqıttağı qızmet sapası qanday bolatını bizge belgisiz. Tek bank jeke qolğa ötip, qarapayım halıqtıñ baspana üşin jiıp-tergeni jelge wşpasa bolğanı.

“The Qazaq Times”