الماتى اكىمدىگى «قايرات» فۋتبول كلۋبىنىڭ ۇلەسىن ساتادى

جەكەشەلەندىرۋدىڭ ەكىنشى تولقىنى اياسىندا الماتىلىق "قايرات" فۋتبول كلۋبىنىڭ 30 پايىز ۇلەسى ساۋداعا قويىلدى.

ساۋدا 2017 جىلدىڭ 18 تامىزىنا بەلگىلەنگەن جانە باعانى كوتەرۋ ءادىسى بويىنشا وتكىزىلەدى. لوتتىڭ العاشقى باعاسى 2 ملرد تەڭگەدەن جوعارى. ال ساۋداعا قاتىسۋشىلار ءۇشىن كەپىلدىك جارناسى 68 ملن تەڭگەنى قۇرايدى.

ەلەكتروندى ساۋدا الاڭىندا حابارلانعانداي، كلۋبتىڭ ساۋداعا قويىلعان ۇلەسى الماتى اكىمدىگىنىڭ اپپارتاتىنىڭ تىزىمىندە بولعان.

Invest Capital كومپانياسىنىنىڭ مالىمەتىنشە، لوتتىڭ سمەتالىق قۇنى 2017 جىلدىڭ 20 شىلدەسىندە 2 ملرد تەڭگەدەن جوعارى بولعان.

كلۋبتىڭ قارجىلىق ەسەبى بويىنشا، ونىڭ كىرىسى  2,3 ملرد تەڭگەنى قۇراعان، ال شىعىن - 4,4 ملرد تەڭگە. سونداي-اق، "قايراتتىڭ" اكتيۆتەرى 10,7 ملرد تەڭگەگە تەڭ بولعان، ال مىندەتتەمەلەرى 5 ملرد تەڭگەنى قۇرادى. ROA دەڭگەيى - 21,5 پايىز.

الماتى قالاسىنىڭ بارجى باسقارماسىنىڭ مالىمەتىنشە، كلۋبتىڭ 70 پايىز ۇلەسى Globex Energy FZE كومپانياسىنا تيەسىلى، ال 30 پايىزى الماتى قالاسىنىڭ دەنە شىنىقتىرۋ جانە سپورت باسقارماسىنىڭ  ەسەبىندە تۇر.

ايتا كەتەيىك، شىلدە ايىندا الماتىلىق كلۋبتىڭ فۋتبولشىلارى ەۋروپا ليگاسىنىڭ ەكىنشى راۋندىندا البانيالىق "سكەندەربەۋ" كلۋبىنان جەڭىلدى.

“The Qazaq Times”