Putin men Tramp. Foto: salon.com

Mäskeu – 11 qañtar särsenbide habarlama jariyalap, Resey Donald Tramptıñ jeke basındıq qwpiyağa qol swğıp otır degendi teriske şığardı. Eske sala ketsek, eki kün bwrın AQŞ Qauipsizdik jäne barlau organınıñ eki qızımetkeri öz prezidentterine (Barak Obama men Donald Trampqa) mälimdeme jasap «reseylik hakerler Tramptıñ jeke basındıq qwpiyalarına qol jetkizip otır, onıñ işinde Tramptıñ jwrtqa jariyalay almaytın öreskel qılıqtarı da bar» degen bolatın. Bwl turalı The New York Times-ta kölemdi maqala jariyalandı.

Resey jaq bwnı teriske şığardı jäne Resey-AQŞ qarım-qatınasın büldiru üşin jasalğan «şatpaq» dep bağaladı. Kreml' bas hatşısı Dmitriy Beskov twraqtı baspasöz mäslihatında: «Kreml' Tramptıñ jeke basına sayatın qanday da bir söleket materiyaldarğa qol jetkizgen joq. Bwl turalı aytılğan sözder şındıqqa säykes kelmeydi, barlığı oydan qwrastırılğan fantaziyalıq äñgime», -  dep saldı. «Keybir adamdar arandatu üşin mwnday qitwrqı äreketter oylap tabadı. Olar ärküni joq jerden «jalmauız» tauıp jatadı. Bwl bir jağınan Tramptıñ eşqanday negizi joq sözge senui», - dedi Dmitriy Beskov.

Eki kün bwrın Donald Tramp öziniñ Twitter paraqşasına « Resey organdarınıñ mwnday materiyaldardı jinauı bolaşaq bopsalau üşin jasağan äreketi. Jalğan aqparattardıñ bäri sayasattağı «jalmauız aulaumen» birdey», - dep jazğan bolatın.

AQŞ Baralau qızmetkerleriniñ aytuınşa Resey 2013 jılı Tramptıñ Mäskeudegi qonaq üyde sıbaybikeşpen köñil kötergen kezinde tüsirilgen keskinge qol jetkizip otır, bwl nağız kompromat bolıp sanaladı. Bwnı orıs BAQ-ı ses körsetudiñ qwralı retinde paydalanuı mükin dep otır. Bwl materiyaldardı otstavkadağı britandıq agent dayındağanı da mälim boldı. Bwl üşin reseylik jeliler men özgede qwpiya aqparattardı paydalanğan delindi.

Tramp resmi taqqa otıruğa deyin Reseydiñ AQŞ demokratiyalıq saylauğa aralasqanın da moyındamay kelgenin, özine tüsetin sayasi qısımdar men Barlau organınan qol üzip qalmas üşin resmi marapattaudan ilgeni bwnı aşıq moyındağanın da osı aptanıñ basındağı maqalalarımızda aytqan bolatınbız. Tramptıñ prezidenttikke kelui älemdi osı qatarlı sayasi äñgimelerge toltırıp jiberdi. AQŞ jwrtşılığı Tramptıñ sayasatınıñ twraqsız boluınan alañdasa, Qıtay, Resey, Europa sındı elderge AQŞ-tıñ aldağı geosayasattağı wstanımı mañızdı bolıp otır. AQŞ ekonomikasına jebeuşi boladı dep joramaldanğan Tramptı köptegen sarapşılar teriske şığarıp otır. Meyli qalay bolsa da Tramp 2017 jıldı dabıralı sayasi oyınmen bastap otır.

“The Qazaq Times”