Foto: gov4c.kz

Qazaqstannıñ halıqqa qızmet körsetu ortalıqtarında aqılı  derbes menedjer qızmeti iske qosıldı. Bwl turalı "Azamattarğa arnalğan ükimet" memlekettik korporaciyasınıñ baspasöz qızmeti habarladı. 

"Azamattarğa arnalğan ükimette tağı da kezekti pilottıq joba – "Sizdiñ derbes menedjeriñiz" iske qosıldı. Derbes menedjer qızmetin paydalanğan adam türli anıqtamalardı jinap äure bolmaydı, ol jwmıstı memlekettik korporaciyanıñ qızmetkeri atqaradı. Derbes menedjer memlekettik qızmetti jeke körsetedi, qajetti anıqtamalardı jinaydı, qajet bolğan jağdayda, bankke de baradı, qwjattıñ telnwsqasın jaramsız dep tanu turalı gazetke habarlandıru beredi jäne basqalar", - delingen baspasöz habarlamasında.

«Azamattarğa arnalğan ükimet» memlekettik korporaciyasınıñ Basqarma törağası Abılayhan Ospanovtıñ aytuınşa, qazirgi uaqıtta köptegen qızmetterdi alu üşin qajetti qwjattar tizbesi barınşa azaytılğan.

«Alayda, HQKO-dan basqa da mekemelerge baruğa tura keletin «kürdeli» qızmetter bar. Mısalı, avtosalonnan nesiege nemese bölip töleuge kölik satıp alğan kezde, bizdiñ derbes menedjerimizözdiginen jıljımalı mülik kepilin tirkeydi, kölikti esepke qoyadı jäne qajet bolsa, barlıq dayın qwjattardı üyge jetkizip beredi», - deydi Ospanov.

Jaña servis memlekettik korporaciyanıñ oblıstıq mañızı bar qalalardağı 37 front-ofisterinde, sonday-aq Astana men Almatı qalalarında iske qosıldı, ol HQKO-ğa baruğa jäne qwjattar jinauğa uaqıtı joq jandarğa arnalıp otır. Joba bankten nesie aluşılar, kölik satıp aluşılar men biznes ökilderi arasında swranısqa ie boladı dep kütilude.

Ospanovtıñ aytuınşa, derbes menedjer qarapayım anıqtamalar boyınşa keñester alu üşin ğana emes, basqa da öte swranısqa ie «kürdeli» memlekettik qızmetterdi, onıñ işinde jıljımaytın mülik ob'ektisin jäne kepil şartın tirkeu, jer uçaskesine jekemenşik qwqığına aktilerdi resimdeu jäne alu,jeke jäne zañdı twlğalar üşin notarialdı kuälandırusız jıljımaytın mülikke satu-satıp alu/almastıru/sıyğa tartu şartıntar jasay otırıp, tirkeu qızmetteri üşin qoljetimdi bolıp tabıladı. Keleşekte bwl tizim wlğayatın boladı. Azamattıñ atına qwjattardı jinaudı korporaciya qızmetkeri notarialdı kuälandırılğan senimhat negizinde jüzege asıratın boladı.

Keñester berudi derbes menedjer telefon, «Telegram» jäne «Whatsapp» veb-messendjeri arqılı düysenbi men senbi aralığında sağat 9.00-den 20.00-ge deyin jürgizedi, al dayın qwjattar qızmet aluşınıñ elektrondıq poştasına jiberiledi nemese öz qolına jetkiziledi. Derbes menedjer qajet bolğan jağdayda, tapsırıs beruşiniñ üyine baradı.

Derbes menedjerdiñ qızmeti jeke jäne zañdı twlğalarğa aqılı türde körsetiledi.Mwnday qızmettiñ qwnı memlekettik körsetiletin qızmettiñ kürdeliligine jäne eldi mekenniñ ornalasqan jerine baylanıstı boladı.

“The Qazaq Times”