Taqtar oyını. Foto: qz.com.

Keñ taralğan «Taqtar oyını» serialınıñ jetinşi mausımın älemniñ är elindegi körermenderi asığa kütip otır. Alayda, hakerler tobı jaña seriyalar men birqatar materialdarın wrlap alğanın mälimdedi. Bwl turalı BBC-diñ onlayn qızmeti habarlaydı.

Tanımal «Taqtar oyını» (Game of Thrones) serialın tüsirgen amerikalıq HBO kompaniyası hakerlik şabuıl bolğanın rastap otır. Kiberşabuıl arqılı 1,5 terabayt sıyımdılıqtağı material wrlanğan. Hakerler wrlap alğan serialdıñ videoları men scenariy jäne özge materialdarınıñ bir bölimin ğalamtorğa jariya etken. Aldağı uaqıtta tağı bir bölimin tarqaluı mümkin.

Hakerler «Entertainment Weekly» basılımına hat joldap, ğalamtor qoldanuşıların serialdıñ wrlanğan materialdarın köşirip alıp tarqatuğa şaqırğan.

«Taqtar oyını» Jorj Martinnıñ «Muz jäne ot jırı» attı şığarması negizinde 2011 jıldan beri tüsirilip keledi, HBO tarihındağı eñ tanımal serial. Altınşı mausımındağı är seriyasın orta eseppen 25 mln adam körgen. Qazirgi kezde jetinşi masımı bastap taratıluda. Kino-epopeyanı tüsiruşiler segizinşi mausımmen tämamdalatının aytqan bolatın.

“The Qazaq Times”