تاقتار ويىنى. فوتو: qz.com.

كەڭ تارالعان «تاقتار ويىنى» سەريالىنىڭ جەتىنشى ماۋسىمىن الەمنىڭ ءار ەلىندەگى كورەرمەندەرى اسىعا كۇتىپ وتىر. الايدا، حاكەرلەر توبى جاڭا سەريالار مەن بىرقاتار ماتەريالدارىن ۇرلاپ العانىن مالىمدەدى. بۇل تۋرالى BBC-ءدىڭ ونلاين قىزمەتى حابارلايدى.

تانىمال «تاقتار ويىنى» (Game of Thrones) سەريالىن تۇسىرگەن امەريكالىق HBO كومپانياسى حاكەرلىك شابۋىل بولعانىن راستاپ وتىر. كيبەرشابۋىل ارقىلى 1,5 تەرابايت سىيىمدىلىقتاعى ماتەريال ۇرلانعان. حاكەرلەر ۇرلاپ العان سەريالدىڭ ۆيدەولارى مەن ستسەناري جانە وزگە ماتەريالدارىنىڭ ءبىر ءبولىمىن عالامتورعا جاريا ەتكەن. الداعى ۋاقىتتا تاعى ءبىر ءبولىمىن تارقالۋى مۇمكىن.

حاكەرلەر «Entertainment Weekly» باسىلىمىنا حات جولداپ، عالامتور قولدانۋشىلارىن سەريالدىڭ ۇرلانعان ماتەريالدارىن كوشىرىپ الىپ تارقاتۋعا شاقىرعان.

«تاقتار ويىنى» جورج مارتيننىڭ «مۋز جانە وت جىرى» اتتى شىعارماسى نەگىزىندە 2011 جىلدان بەرى ءتۇسىرىلىپ كەلەدى، HBO تاريحىنداعى ەڭ تانىمال سەريال. التىنشى ماۋسىمىنداعى ءار سەرياسىن ورتا ەسەپپەن 25 ملن ادام كورگەن. قازىرگى كەزدە جەتىنشى ماسىمى باستاپ تاراتىلۋدا. كينو-ەپوپەيانى تۇسىرۋشىلەر سەگىزىنشى ماۋسىممەن ءتامامدالاتىنىن ايتقان بولاتىن.

“The Qazaq Times”