Foto: dsnews.ua

Qazaqstannıñ işki narığında sırttan keletin janarmayğa täueldilik kün ötken sayın köbeyip keledi. Osı jıldıñ qañtar-mamır ayında elge jetkizilgen benzin kölemi 28,2%-dı nemese 511,8 mıñ tonnanı qwradı. Mwnday aqparatttı  Finprom.kz saraptama qızmeti keltirip otır. 

Sonday-aq, qazaqstandıqtardı dizel' otınımen qamtamasız etetin orındarındağı importtıñ ülesi 3,3%-dan 5,5%-ğa deyin artqan. Al bwl degeniñiz soñğı bes jıldağı Qazaqstannıñ importqa täueldiliniñ eñ joğarğı körsetkişi.

Degenmen eñ mañızdı mäselelerdiñ biri halıqtı kerosinmen qamtamasız etu bolıp otır. Sebebi bwl önim 100%-ğa basqa jaqtan jetkizildedi. Tek 3 jıl bwrın ğana bwl önimniñ importı 18%-dan tömen bolğan.

Al jergilikti öndiruşiler bolsa önimdi şığaru qarqının tömendetedi nemese qısqartadı. Mısalı osı jıldıñ 6 ayında janarmay öndirisi ötken jıldıñ säykes kezeñimen salıstırğanda tek 3,8%-ğa artıq bolğan. Ötken jıldıñ 6 ayındağı körsetkiş - 13,1%.

Dizel' otınınıñ öndirisi bolsa osı jıldıñ alğaşqı altı ayında 1,1%-ğa qısqarğan - 2016 jıldıñ qañtar-mausım ayındağı ortaşa ösim 8,6%-dı qwrağan.

Kerosin öndirisi toqtap twr deuge boladı. Öytkeni ötken jılğa qarağanda osı jolı öndiris 7,9%-ğa az bolğan. Eskeretin jayt kerosindi şığaru üş jıl qatarınan qısqarıp keledi.

Osılayşa mwnday önimderdiñ öndirisiniñ bäseñdeui jäne importtıñ ösui Qazaqstan Respublikasınıñ "2030 jılğa deyin işki narıqtağı mwnay önimderine qajettilikterdi tolığımen qamtamasız etemiz" degen otın-energetikalıq keşenin damıtu strategiyasına qayşı bolıp otır.

“The Qazaq Times”