قازاقستان مۇنايلى ەل بولا تۇرا بەنزين يمپورتىنا تاۋەلدى

قازاقستاننىڭ ىشكى نارىعىندا سىرتتان كەلەتىن جانارمايعا تاۋەلدىلىك كۇن وتكەن سايىن كوبەيىپ كەلەدى. وسى جىلدىڭ قاڭتار-مامىر ايىندا ەلگە جەتكىزىلگەن بەنزين كولەمى 28,2%-دى نەمەسە 511,8 مىڭ توننانى قۇرادى. مۇنداي اقپاراتتتى  Finprom.kz ساراپتاما قىزمەتى كەلتىرىپ وتىر. 

سونداي-اق، قازاقستاندىقتاردى ديزەل وتىنىمەن قامتاماسىز ەتەتىن ورىندارىنداعى يمپورتتىڭ ۇلەسى 3,3%-دان 5,5%-عا دەيىن ارتقان. ال بۇل دەگەنىڭىز سوڭعى بەس جىلداعى قازاقستاننىڭ يمپورتقا تاۋەلدىلىنىڭ ەڭ جوعارعى كورسەتكىشى.

دەگەنمەن ەڭ ماڭىزدى ماسەلەلەردىڭ ءبىرى حالىقتى كەروسينمەن قامتاماسىز ەتۋ بولىپ وتىر. سەبەبى بۇل ءونىم 100%-عا باسقا جاقتان جەتكىزىلدەدى. تەك 3 جىل بۇرىن عانا بۇل ءونىمنىڭ يمپورتى 18%-دان تومەن بولعان.

ال جەرگىلىكتى وندىرۋشىلەر بولسا ءونىمدى شىعارۋ قارقىنىن تومەندەتەدى نەمەسە قىسقارتادى. مىسالى وسى جىلدىڭ 6 ايىندا جانارماي ءوندىرىسى وتكەن جىلدىڭ سايكەس كەزەڭىمەن سالىستىرعاندا تەك 3,8%-عا ارتىق بولعان. وتكەن جىلدىڭ 6 ايىنداعى كورسەتكىش - 13,1%.

ديزەل وتىنىنىڭ ءوندىرىسى بولسا وسى جىلدىڭ العاشقى التى ايىندا 1,1%-عا قىسقارعان - 2016 جىلدىڭ قاڭتار-ماۋسىم ايىنداعى ورتاشا ءوسىم 8,6%-دى قۇراعان.

كەروسين ءوندىرىسى توقتاپ تۇر دەۋگە بولادى. ويتكەنى وتكەن جىلعا قاراعاندا وسى جولى ءوندىرىس 7,9%-عا از بولعان. ەسكەرەتىن جايت كەروسيندى شىعارۋ ءۇش جىل قاتارىنان قىسقارىپ كەلەدى.

وسىلايشا مۇنداي ونىمدەردىڭ ءوندىرىسىنىڭ باسەڭدەۋى جانە يمپورتتىڭ ءوسۋى قازاقستان رەسپۋبليكاسىنىڭ "2030 جىلعا دەيىن ىشكى نارىقتاعى مۇناي ونىمدەرىنە قاجەتتىلىكتەردى تولىعىمەن قامتاماسىز ەتەمىز" دەگەن وتىن-ەنەرگەتيكالىق كەشەنىن دامىتۋ ستراتەگياسىنا قايشى بولىپ وتىر.

“The Qazaq Times”