Körneki suret. Foto: aşıq derekköz

Qaraşa ayınıñ üşinşi dekadasınan bastap Qazaqstanda mwnay önimderin kölikpen eksporttauğa jartı jılğa tıyım salınadı. Bwl jöninde Energetika ministrliginiñ baspasöz qızmeti habarladı.

«Ministrlik mwnay önimderi tapşılığınıñ tuındauına jol bermes üşin «Qazaqstan Respublikası aumağınan mwnay önimderin äketudiñ keybir mäseleleri turalı» bwyrıq äzirledi.  Oğan säykes 21 qaraşadan bastap benzin, dizel' otını jäne mwnay önimderiniñ jekelegen türin avtokölikpen şetelge äketuge altı ay merzimge tıyım salınadı», – delingen vedomstvo habarlamasında.

Qwjatqa säykes, tıyım altı ay merzimge, 21 qaraşadan 21 mamırğa deyin – Qazaqstan aumağınan janarmay-jağarmay tasımaldauğa engizildi. Sonday-aq, bwl şekteu köliktiñ may qwyatın bagına jäne 20 litrge deyingi ıdıs-qwtığa qwyuğa qoldanılmaydı.

Biıl küzde elde janar-jağarmay men dizel' otını tapşılığı bayqaldı. Köptegen şaruanıñ jwmısı twralap, transport salası qiındıqqa wşıradı. Ükimet aspandğan bağa men tapşılıq qwbılısın şeteldik jürgizuşilerdiñ jol-jönekey köp kölemde mödşerden tıs satıp aluımen baylanıstı tüsindirgen.

The Qazaq Times