Foto: Lenta.ru

Halıqaralıq Amnesty International wyımı Saud Arabiyası biligin, eldegi kezekti 14 adam ölim jazasına kesilgennen keyin, "qandı ölim" atalıp ketken procesti toqtatuğa şaqırdı. Bwl turalı Äl-Jazira "Al-Jazeera" aqparattıq agenttigi jazadı.

Wyımnıñ keltirgen mälimeti boyınşa, ağımdağı jılı Saud Arabiyasında 66 adam ölim jazasına tartılğan. Ötken jeksenbide Er-Riyadtağı mamandandırılğan qılmıstıq sot tağı 15 adamdı däl osınday jazağa kesken.  Amnesty International  qızmetkerleri wstalğandardıñ köbi bilikke qarsı şeruler men ereuilderge qatısqanın jetkizdi. Qazir olarğa Irannıñ tıñşısı bolğan, jarılğış zattardı qoldan jasağan, qwqıq qorğau organı qızmetkerlerine küş körsetken, wrlıq jasağan, t.b. ayıptar tağılıp otır.

Amnesty International -dıñ Tayau şığıs üşin jauaptı qızmetkeri Samah Hadid-tiñ aytuınşa, Saud Arabiyası biligi özderine qarsı şıqqan jat oy men ideologiya ökilderin, sayasi qarsılastarınıñ közin qwrtu üşin ölim jazasın qaru esebinde paydalanıp otır. Qwqıq qorğau wyımınıñ wsınğan pikirinşe, qazir jazağa kesilgen azamattardı ölimnen araşalap twrğan tek el patşasınıñ qolı ğana. "Eger memleket basşısı jalğan sot procesteriniñ nätijesi bolıp tabılatın şeşimderdiñ küşin joysa, bwl  ädildik ornatu jolındağı eñ mañızdı qadam bolar edi", - dep esepteydi Amnesty International ökilderi . Saud Arabiyasınıñ biligi soñğı 3,5 apta işinde 26 adamnıñ jazasın orındap ülgergen. Bwl şamamen, memlekette künine bir ölim bolatının körsetedi.

Britandıq qwqıq qorğau wyımı Reprieve bügingi särsenbige deyin ölim jazası ükiminiñ küşin joyu üşin peticiya dayındap, 32 mıñ qol jinadı. Osıdan bwrın atalğan wyım Munir Adam esimdi janarınan ayırılğan azamattıñ bilikke qarsı halıqtıq qarsılıq oqiğasına qatısqanı üşin twtqındalıp, qwqıq qorğau organı qızmetkerleriniñ körsetken azabınan estu qabiletinen ayırılğanın jazıp, dabıl qaqqan bolatın. Qolğa tüskender öz ayıptarın moyındağanğa deyin, olardı qinap, azaptau oqiğaları köptep kezdesetinin, al bwl azamattıq qwqıqtardı memlekettiñ "rwqsatımen" bwzuşılıq ekendigin aytqan wyım älemdik qauımdastıqtıñ qoldauın kütedi.

“The Qazaq Times”