Bişkekte ötip jatqan «Altay örkenieti men Altay tili otbası jäne tuısqan halıqtar» halıqaralıq forumında Qırğızstan prezidenti Almazbek Atambaev kirill älipbiin qoldap söz söyledi dep habarlaydı Sputnik Qırğızstan saytı.

«Kirillicadan ketu halıqtıñ ötkenimen baylanıstıñ ajırauına alıp keledi. Ötken ğasırda arab älipbiinen latın qarpine, odan kirillicağa köşu Oratlıq Aziya elderin «altın ğasır» mwralarınan ayırılıp qaluğa äkelip soqtı. Şıñğıs Aytmatov, Mwhtar Äuezov sındı bizdiñ jazuşı, ğalımdarımızdıñ barlığı kirillicada jazdı. Olarğa bwl älipbi qolaylı boldı. Iä, damığan elderdiñ barlığı latın älipbiin paydalanadı. Biz de oğan auıssaq ekonomikalıq twrğıdan damitın şığarmız. Biraq Japoniya, Koreya, Qıtay sındı elder latın älipbiine auıspay aq damığan elderdiñ qatarına kirip otır. Egerde latın älipbiine auısudan damıp ketetin bolsa, onda nege Afrika memleketteri äli künge deyin kedeylikten şığa almay keledi» - dedi Almazbek Atambaev «Altay örkenieti men Altay tili otbası jäne tuısqan halıqtar» halıqaralıq forumında söylegen sözinde.

Esteriñizge salayıq, säuir ayınıñ ortasında Qazaqstan prezidenti Nwrswltan Nazarbaev el ükimetine qazaq tilin 2025 jılı latın älipbiine köşiru üşin dayındıq jwmıstarın qazirden bastañdar dep tapsırma bergen bolatın.

Al mausım ayında Qırımda ötken Livadiysk forumında Reseydiñ ğılım jäne bilim ministri Ol'ga Vasil'eva TMD elderin bir ğana älipbi, yağni kirill älipbiine köşiru kerek dep wsınıs jasağan edi.

“The Qazaq Times”