Densaulıq saqtau ministri däriler bağası qalay retteletinin ayttı

«Qazaqstanda bağa belgileudiñ baqılanbaytın jüyesi, birinşi kezekte, öndiruşilerdiñ  öz därileriniñ kez kelgen bağasın belgileu qwqığına ie boluınan bastaladı. Nätijesinde, keybir öndiruşilerde därigerler men halıq arasında därilerdi satu men marketingke ülken byudjet bölu mümkindigi tuındaydı. Därihanalar da osı därilerge kez kelgen üsteme bağanı belgileuge qwqılı. Bir qaladağı därihanalar arasında bağalardıñ ayırmaşılığı 20 payızğa jetse, narıqta preparat tapşılığı tuındağan jağdayda üsteme bağa 200 payızğa deyin de ösip ketui mümkin. Endi jaqın uaqıtta därilerdiñ şekti bağaların belgileu bwl jağdaydı özgertui mümkin», - dedi ministr.

E. Birtanov habarlağanday, äzirlengen normativtik-qwqıqtıq aktiniñ jobasına säykes ärbir öndiruşi öndiriletin därilerdiñ qwnın bazistik jetkizu şartın qamtitın «franko-zauıt» jağdaylarında, yağni därilerdiñ qwnın zauıt aumağında tirkeytin boladı.

«Ärbir öndiruşi bağaların wsınadı. Ol wsınılğan aqparattıñ dwrıstığı üşin jauaptı boladı. Procestiñ kelesi kezeñinde tirkelgen bağa bekitiledi, oğan tauardı jetkizu, kedendik resimdeu, qauipsizdik pen sapanı bağalau şığındarı, sonday-aq Qazaqstanda öndiruşiniñ jeke zañdı twlğası bolğan jağdayda marketingtik şığıstar kiredi», - dedi ministr.

Ministrdiñ sözinşe, endi tirkelgen bağanı anıqtağannan keyin ministrlik däriniñ şekti köterme sauda bağasın jäne eñ joğarı bölşek sauda bağasın bekitedi. Osılayşa, narıqtağı bäsekelestikti saqtau maqsatında, memleket därilik zattardıñ şekti bağaların belgileydi, osığan süyene otırıp, ärbir distrib'yutor nemese därihana öz bağaların jeñildikpen wsına aladı.

«Alayda, bwl jüye qanday da bir preparat atauınıñ tapşılığı jağdayında öndiruşilerge nemese distrib'yutorlarğa bağanı negizsiz köteruge jäne artıq kiris aluğa mümkindik bermeydi», - dedi vedomstvo basşısı.

“The Qazaq Times”